ललितपुर । ललितपुर उपमहानगरपालिका वडा नं २१ मा रहेकाे ख्वनाका स्थानीय बासिन्दाहरूले
सिकाली जात्रा भव्य रुपमा मनाएका छन् ।
दसैँ पर्व नमाउने यहाँका स्थानीयहरुले मौलिक जात्राकाे रुपमा सिकालीका साथै रुद्रायणी देवगण नाच पनि देखाइने गरिन्छ ।
सिकाली चाैरमा शुक्रबार गाेप्य रुपमा अश्वमय हाेम पश्चात रुद्रायणी देवगन नाच समेत चाैरमा प्रदर्शनी गरिएकाे थियाे । धार्मिक मान्यता अनुरुप जीवनमा एक पटक भए पनि हेर्नैपर्ने मान्यता रहेकाे साे नाच हेर्न उपत्यकाका भक्तजनकाे घुँइचाे समेत लागेकाे थियाे ।
फुलपातिका दिन रुद्रायणी देवगण नाच दिनभर खाेनामा देखाइएकाे थियाे । यस नाचमा भैरव, गणेश, कुमार, हनुमान, काली लगायत १४ जना देवगण रहेकाे हुन्छ ।
१५ औं शताब्दीमा राजा अमर मल्ले चलाइएकाे स्वस्थानी व्रत कथामा आधारित यस नाचमा सेतीदेवी होमिँदा वीरभद्र र महाकाली जागृत भएको, शिव पार्वतीका पुत्र पृथ्वी भ्रमणका क्रममा कुमार फसेकाे कारुणिक दृश्य नाचेर प्रस्तुत गरिन्छ ।
भिडियाेसहित
यसका साथै प्रत्येक १२ बर्षकाे एक पटक रुद्रायणी देवीकाे १२ बर्षे नाच प्रर्दशनी गरिन्छ । विशेषगरी ललितपुरको पाटन, काठमाडौंको हनुमानढोका, चन्द्रागिरी नगरपालिकाकाे ल्हाेखाः लगायतका विभिन्न स्थानमा नाच प्रदर्शन गर्ने चलन अझै रहेकाे छ ।
Photo: Michael Aram Tarr
