काठमाडौ । फेसन, सिर्जनशीलता, कथावाचन (स्टोरीटेलिङ) तथा डिजिटल प्रभावका क्षेत्रका सर्वाेत्कृष्ट सर्जक तथा कन्टेन्ट क्रिएटरहरूलाई राजधानीमा एक विशेष कार्यक्रम गरी पुरस्कृत गरिएको छ । अजमेरा फेसन डिजाइन एक्सिलेण्ड अवार्ड २०२६ बाट उनीहरुलाई पुरस्कृत गरिएको हो ।
पुरस्कृत हुनेहरुमा तीन वटा विधामा तीन जना रहेका छन् । विधाहरुमा वेष्ट इन्गेजमेन्ट भिडियो, वेष्ट ब्राण्ड भिडियो र वेष्ट कन्सेप्ट एण्ड स्टोरी टेंिलंग रहेका छन् । वेष्ट इन्गेजमेन्ट भिडियोमा नमामी शाक्यले जित हासिल गरिन् । उनले एक लाख नगद पुरस्कार पाइन् । वेष्ट ब्राण्ड भिडियोमा प्रथा जोशी सर्वाेत्कृष्ट भइन् । उनले पनि एक लाख नगद पुरस्कार प्राप्त गरिन् । वेष्ट कन्सेप्ट एण्ड स्टोरी टेंिलंगमा सुभाना कायष्ठ विजयी भएर २५ हजार नगद पाइन् ।
प्रत्येक विधामा अन्तिम छनौटमा परेका तीनतीन जनाको अन्तिम नामावली सार्वजनिक गरिएको थियो । उत्कृष्ट तीनतीनजनामध्ये पनि सवोत्कृष्ट हुन सफल एकएकजनाको नाम घोषणा गरिएको थियो । त्यसपछि उनीहरुलाई नगद दिई पुरस्कृत गरिएको थियो ।
विजयी सवैजनालाई अजमेरा फेशन लिमिटेड भारतका फाउण्डर एण्ड प्रमुख कार्यकारी अधिकृत (सिइओ) अजय अजमेराले पुरस्कार तथा प्रमाणपत्र वितरण गरेका हुन् । ब्ल्याक बुल गार्मेन्ट ट्रेडिङ प्रालिको प्रस्तुति तथा अजमेरा फेसन प्रालिको आयोजनामा उक्त कार्यक्रम भएको हो ।
आयोजकका अनुसार अवार्ड कार्यक्रमले पछिल्लो समय फेसन तथा डिजिटल क्षेत्रमा सक्रिय सर्जक, स्टोरीटेलर, इन्फ्लुएन्सर तथा कन्टेन्ट क्रिएटरहरूको योगदानलाई सम्मान गर्दै उनीहरूको सिर्जनशील कार्यलाई प्रोत्साहन गर्ने लक्ष्य राखेको छ ।
कार्यक्रममा फेसन क्षेत्रका व्यवसायी, कलाकार, सामाजिक सञ्जाल प्रभावक, डिजिटल क्रिएटर तथा विभिन्न क्षेत्रका विशिष्ट व्यक्तित्वहरूको सहभागिता रहेको थियो । आयोजकले यसलाई सिर्जनशीलता, नेटवर्किङ, प्रेरणा र सम्मानको साझा मञ्चका रूपमा प्रस्तुत गरेको जनाएको छ ।
नेपालमा पछिल्ला वर्षहरूमा डिजिटल कन्टेन्ट सिर्जना र फेसन उद्योगको विस्तारसँगै यस्ता अवार्ड कार्यक्रमहरू पनि बढ्दै गएका छन्, जसले नयाँ प्रतिभाहरूलाई प्रोत्साहन गर्न महत्वपूर्ण भूमिका खेल्ने विश्वास गरिएको छ । कार्यक्रमलाई प्रिफ्याब प्यानल नेपाल, १०० पसल कुमारीपाटी, जेबी अटोमोटिभ तथा कलश स्टक मार्केटलगायत संस्थाहरूले सहयोग गरेका छन् ।
