काठमाडौं । प्रा.डा. अनिल भट्टराईको टिमले मनमोहन कार्डियोथोरासिक भास्कुलर एण्ड ट्रान्सप्लान्ट सेन्टर महाराजगञ्जमा फागुन १ गते नेपालमै पहिलोपटक एमआईसीएस (MICS) प्रविधिबाट जन्मजात मुटुमा प्लाव भएका विरामीको ओपन हार्ट सर्जरी सफलतापूर्वक सम्पन्न गरेको छ ।
४२ वर्षका पुरुषको हालै एमआईसीएस प्रविधि (काखीमा सानो प्वाल गरेर) शल्यक्रिया सम्पन्न गरिएको हो ।
प्रा.डा. भट्टराईको नेतृत्वमा सम्पन्न भएको उक्त शल्यक्रियाको टिममा डा. रवि बराल, डा. प्रभात खकुराल, डा. समिर यादव र प्रा.डा. विश्वास प्रधानको टिम संलग्न थियो । विरामीलाई लागेको यो रोगलाई मेडिकल भाषामा भिएसडी अर्थात भेन्ट्रिकुलर सेप्टल डिफेक्ट भनिन्छ ।
डा. भट्टराईका अनुसार यो शल्यक्रिया एक साताअघि सम्पन्न भएको हो । विरामी अस्पतालबाट स्वास्थ्लाभ गरेर डिस्चार्ज भैसकेका छन् । यसअघि पनि डा. भट्टराईले दुर्लभ रोगको यस नयाँ प्रविधिबाट सफलतापूर्वक शल्यक्रिया सम्पन्न गरेर विरामीहरुलाई नयाँ जीवन दिएकोमा यो केस पनि अर्को दुर्लभमध्येकै एक हो ।
