काठमाडौँ / १० किलो गाँजासहित १ जनालाई प्रहरीले पक्राउ गरेको छ। शुक्रबार दिउँसो मकवानपुरको हेटौंडा उपमहानगरपालिका–१० बसपार्कबाट अवैध लागूऔषध गाँजा करिब १० किलोग्रामसहित बाराको जितपुर सिमरा उपमहानगरपालिका १७ रामनगर बस्ने श्रवण कुमार साहलाई प्रहरीले पक्राउ गरेको हो।
हेटौंडा प्रहरी चौकी बसपार्कबाट खटिएको प्रहरीले जाँच गर्ने क्रममा झोलामा बोकिरहेको अवस्थामा उक्त गाँजासहित उनलाई पक्राउ गरेको हो। यस सम्बन्धमा प्रहरीले आवश्यक अनुसन्धान गरिरहेको छ ।
