लस एन्जल्स । स्विट्जरल्यान्डले अल्जेरियालाई सजिलै २–० ले पराजित गरी प्रिक्वाटरफाइनलमा स्थान बनाएकाे छ ।
भानकुभरमा भएको खेलमा स्विट्जरल्यान्डले नकआउट चरणमा हार्ने नियतिलाई तोड्नुभयो । सन् १९३८ मा फ्रान्समा भएको विश्वकपपछि स्विट्जरल्यान्डले पहिलो पटक नकआउट खेल जितेको हो ।
लगातार छैटौँ पटक विश्वकप खेलिरहेको स्विट्जरल्यान्ड चार पटक नकआउटमा पुगे पनि अन्तिम १६ भन्दा माथि उठ्न सकेको छैन । सन् २००६, २०१४, २०१८ र २०२२ मा स्विट्जरल्यान्ड अन्तिम १६ बाट बिदा भएको थियो । सन् २०१० मा भने स्विट्जरल्यान्डको चुनौती समूह चरणमै समाप्त भएको थियो । स्विट्जरल्यान्डका लागि खेलको १० औँ मिनेटमै ब्रिल इम्बोलोले पहिलो गोल गर्नुभयो ।
जोहान मान्जाम्बीले बायाँ भागबाट बनाएको ‘सोलो रन’ पछि मिलाइदिएको पासमा इम्बोलोले सफलता पाउनुभएको हो । मध्यान्तरपछि खेल सुरु भएको एक मिनेटपछि नै डान एन्डोएले स्विट्जरल्यान्डको अग्रता दोब्बर पार्नुभयो ।
अल्जेरियाका डिफेन्डर रफिक बेलघालीको गल्तीमा एन्डोएले मौकाको फाइदा उठाउनुभएको हो । स्विट्जरल्यान्डले प्रिक्वाटरफाइनलमा कोलम्बिया अथवा घानामध्ये एकविरुद्ध खेल्ने छ । एपी
