काठमाडौं । नेपालको अग्रणी इन्टरनेट सेवा प्रदायक कम्पनी वल्र्डलिंक कम्युनिकेशन्स लिमिटेडले आफ्नो संस्थागत सामाजिक उत्तरदायित्व अन्तर्गत सञ्चालन गर्दैआएको वल्र्डलिंक इन्टरनेट एकेडेमी कार्यक्रममार्फत समुदायस्तरमा डिजिटल साक्षरता कार्यक्रम गरेको छ ।
सुरक्षित इन्टरनेट प्रयोग, जोखिम न्यूनीकरणसम्बन्धी सचेतना कार्यक्रम सञ्चालन गर्दै गत साउनदेखि २०८३ जेठसम्म समुदायका तीनसय ९२ जना समुदाय प्रत्यक्ष रूपमा लाभान्वित भएको सो कार्यालयले जनाएको छ ।
वल्र्डलिङ्क कम्युनिकेशन्स लिमिटेडका प्रमोटर सेयरहोल्डर तथा सीएसआर डाइरेक्टर अनुपा भण्डारी जालानको नेतृत्वमा सचेतना कार्यक्रम सञ्चालन गरिएको हो । वल्र्डलिङ्कले विद्यालयका विद्यार्थी तथा समुदायलाई लक्षित गरी डिजिटल साक्षरता तथा सुरक्षित इन्टरनेट प्रयोगसम्बन्धी सचेतनामूलक कार्यक्रम सञ्चालन गरिएको जालानले बताउनुभयो ।
अभियानअन्तर्गत चालु आर्थिक वर्षमा भक्तपुरको चाँगुनारायण नगरपालिकाको समन्वयमा १९ वटा विद्यालयका करिब १ हजार ४९० विद्यार्थी यस सचेतनामूलक तालिमबाट लाभान्वित भएका थिए ।
कार्यक्रममा सहभागी महिला स्वास्थ्य स्वयंसेविकाले बढ्दो साइबर जोखिम र इन्टरनेटका फाइदाबारे बुभm्न सहयोग पुगेको उहाँले बताउनुभयो । उहाँले भन्नुभयो, “यस तालिमले डिजिटल सुरक्षाको विषयमा हाम्रो ज्ञान बढाएको छ । यसको प्रयोगमा अझ सचेत्तासँगै सदुपयोग हुनेछ ।”
वल्र्डलिङ्कको संस्थागत सामाजिक उत्तरदायित्वले डिजिटल समावेशीकरण, डिजिटल साक्षरता र सुरक्षित इन्टरनेट प्रयोगलाई प्राथमिकतामा राख्दै आगामी वर्षहरूमा पनि यस्ता कार्यक्रमलाई थप समुदायमा विस्तार गर्ने योजना भएको अनुपा भण्डारी जलानले प्रष्ट पार्नुभयो ।
