काठमाडौं । नेपाल सरकारका मुख्यसचिव सुमनराज अर्यालले वर्तमान सरकारले कार्यकालको पहिलो एक सय दिनमा संस्थागत तथा नीतिगत सुधारका क्षेत्रमा अपेक्षाकृत उपलब्धि हासिल गरेको जनाएका छन् ।
सरकार गठनको एक सय दिन पूरा भएको अवसरमा शुक्रबार प्रधानमन्त्री तथा मन्त्रिपरिषद्को कार्यालयमा आयोजित पत्रकार सम्मेलनमा मुख्यसचिव अर्यालले सुशासन, सेवा प्रवाहमा सरलीकरण, मितव्ययिता र जवाफदेहिता अभिवृद्धिका लागि आवश्यक सुधारात्मक कदम चालिएको जानकारी दिए।
उहाँले सबै मन्त्रालयबीचको समन्वय र सहकार्यका कारण सुशासन प्रवर्द्धनमा उल्लेखनीय प्रगति भएको दाबी गर्दै सरकारले नीतिगत सुधारलाई प्राथमिकतामा राखेर काम गरेको जनाए।
पत्रकार सम्मेलनमा प्रधानमन्त्री वालेन्द्र शाहका प्रेस तथा अनुसन्धान विज्ञ दीपा दाहालको संयोजन रहेको थियो। कार्यक्रममा विभिन्न मन्त्रालयका सचिवहरूले आआफ्नो मन्त्रालयले पहिलो एक सय दिनमा गरेका काम र उपलब्धिबारे जानकारी दिँदै सञ्चारकर्मीका जिज्ञासाको जवाफ दिएका थिए।
