भारत र दक्षिण अमेरिकी मुलुक पेरुबीच प्रस्तावित स्वतन्त्र व्यापार सम्झौता (एफटीए) सम्बन्धी अर्को चरणको वार्ता आगामी जुन महिनामा पुनः शुरू हुने सम्भावना देखिएको भारतीय सञ्चार माध्यमहरूले जनाएका छन् ।
भारतस्थित पेरुका राजदूत जाभियर पाउलिनिचले रोयटर्सलाई दिएको जानकारी अनुसार दुवै देशबीचको वार्ता सैद्धान्तिक रूपमा जुनमा पुनः सुरु गर्ने तयारी रहेको छ। उनका अनुसार सम्झौता वर्षको अन्त्यसम्ममा टुंग्याउने लक्ष्य राखिएको छ।
्पेररु विश्वकै तेस्रो ठूलो तामा उत्पादक देश हो । त्यहाँ भारतसँग ‘क्रिटिकल मिनरल्स’ (महत्त्वपूर्ण खनिज) सम्बन्धी छुट्टै अध्यायमा पनि छलफल भइरहेको बताइएको छ । सम्भावित सम्झौताले भारत र पेरुबीच व्यापार, खनिज आपूर्ति, ऊर्जा तथा लगानी क्षेत्रको सहकार्यलाई नयाँ उचाइमा पुर्याउने अपेक्षा गरिएको छ।
