काठमाडौं । विपक्षी दलहरूको निरन्तर अवरोधका कारण १५ मिनेटका लागि स्थगित गरिएको प्रतिनिधि सभाको बैठक पुनः शुरू भएको छ। प्रतिनिधि सभाको बैठक पुनः शुरू भएपनि विपक्षीको अवरोध कायमै छ ।
सरकारको आगामी आर्थिक वर्षको नीति तथा कार्यक्रममाथिको छलफलमा प्रधानमन्त्री बालेन्द्र शाह (बालेन) अनुपस्थित भएको भन्दै विपक्षी सांसदहरूले सदन अवरुद्ध पारेका छन्।
विपक्षी दलहरूले नीति तथा कार्यक्रम जस्तो महत्त्वपूर्ण विषयमा प्रधानमन्त्री स्वयं उपस्थित भएर जवाफ दिनुपर्ने अडान राखेका छन्।
प्रधानमन्त्रीको सट्टा अर्थमन्त्री डा. स्वर्णिम वाग्लेलाई छलफलको प्रस्ताव पेश गर्न समय दिएपछि विपक्षी सांसदहरूले रोस्टम घेराउ गर्दै नाराबाजी गरेका थिए।
