काठमाडौं । थापाथली सहित काठमाडौंका विभिन्न क्षेत्रमा रहेको सुकुमबासी बस्तीका स्थानीयको बसोबास व्यवस्थापनको तयारी थालिएको छ ।
सरकारले सुकुमबासी बस्तीमा डोजर चलाउने तयारी गरेसँगै काठमाडौँ महानगरपालिका, सहरी विकास मन्त्रालय र जिल्ला प्रशासन कार्यालय काठमाडौँले सुकुमबासी बस्तीका स्थानीयलाई अस्थायी बसोबासको प्रबन्ध गर्न लागेको हो।
स्रोतका अनुसार सुकुमबासीहरूको अस्थायी बसोबासका लागि काठमाडौँमा ३ स्थान तय गरिएका छन् । यद्यपि सुरक्षा संवेदनशीलताका कारण ती स्थान अहिले नै सार्वजनिक गरिएको छैन।
महानगरमा आकस्मिक कार्यपालिका
यसैबिच काठमाडौँ महानगरपालिकामा आकस्मिक कार्यपालिका बैठक सुरु भएको छ । महानगरका एक वडाध्यक्षका अनुसार सुकुमबासी बस्तीका स्थानीयलाई व्यवस्थापन र सुरक्षाको विषयलाई लिएर अहिले कार्यपालिका बैठक भइरहेको हो।यस अघिका कार्यपालिकाको बैठक प्रत्यक्ष प्रसारण हुने गरेको भए पनि आज भने प्रसारण गरिएको छैन।
