काठमाडौं। काठमाडौंको थापाथलीस्थित बागमति नदि किनारामा रहेको सुकुम्बासी बस्ती हटाउने प्रक्रिया सुरु भएको छ ।
काठमाडौं महानगरपालिकाले आज साँझ माइकिङ गर्दै बस्ती खाली गर्न आग्रह गरेको हो । वैशाख १२ गते बिहान ६ बजेदेखि बस्ती खाली गराइने भन्दै थापाथली महानगर प्रहरीले माइकिङ गरेको हो । नेपाल प्रहरी र सशस्त्र प्रहरीको थापाथलीका सुकुम्बासी बस्ती पुगेका हुन् ।
गृहमन्त्रीबाट सुधन गुरुङले राजीनान दिएसँगै प्रधानमन्त्री बालेन्द्र शाहले उक्त मन्त्रालयको नेतृत्व लिएका छन् । उनले नेतृत्व सम्हालेकै दिन अर्थात बुधबार सुरक्षा निकायका प्रमुखहरुलाई डाकेर सुकुम्बासी बस्ती खाली गर्न निर्देशन दिएका थिए ।
बालेन काठमाडौं महानगरको मेयर भएको समयमा पनि बस्ती हटाउने प्रयास गरेका थिए । तर तत्कालिन समयमा बस्तीका मानिसहरुले आक्रमण गर्दा नगर प्रहरीहरु घाइते भएका थिए । अवस्था जटिल बन्नसक्ने आंकलन गर्दै त्यतिबेला महानगर पछि हटेको थियो । यता नदि किनारमा टहरा हालेर बसेकाहरुले ठाउँ नछोड्ने अडान लिएका छन् ।
उनीहरुले आवश्यक परे प्रतिकार गर्ने चेतावनी दिएका छन् ।
