काठमाडौं । वैदेशिक रोजगार विभागले १२ वटा देशको श्रम स्वीकृति खुल्ला भएको जनाएको छ ।
विभागले साउदी अरब, युएई, कतार, कुवेत, बहराइन, ओमान, इराक, यमन, जोर्डन, लेवनान, टर्की र इजरायलको संस्थागत र व्यक्तिगत श्रम स्वीकृति सोमबारदेखि खुल्ला गरेको जनाएको छ । त्यसअघि गत फागुन १७ गते बन्द गरिएको थियो ।
इमरजेन्सी रेस्पोन्स टिम (ईआरटी)ले पश्चिम एसियामा अमेरिका–इरानबीच भएको युद्ध सुरु भएपछि रोकिएको नयाँ श्रम स्वीकृति खोल्न श्रम, रोजगार तथा सामाजिक सुरक्षा मन्त्रालयलाई सोमबार सिफारिस गरेको छ । त्यसको आधारमा श्रम मन्त्रीस्तरको निर्णय गरी खुला गरेको हो ।
