काठमाडौं । मोरङ, बुढीगंगा गाउँपालिका-२ मुस्लिम टोल बस्ने मंजुल मियाको गोठ र सोही ठाउँ बस्ने तफेबुलको घरमा शुक्रबार बिहान आगलागी हुँदा दुवैजनाको गरी करिब १३ लाख रूपैयाँ बराबरको धनमाल जलेर नष्ट भएको छ ।
धनुषा, मिथिला बिहारी नगरपालिका-३ मिथिलेश्वर बस्ने शिव शंकर मण्डल खत्वेको गोठमा बिहीबार दिउँसो आगलागी हुँदा करिब २ लाख ५० हजार रूपैयाँ बराबरको धनमाल जलेर नष्ट भएको छ । सप्तरी, तिरहुत गाउँपालिका-१ धनपुरी टोल बस्ने योगेन्द्र यादवको घरमा बिहीबार दिउँसो आगलागी हुँदा करिब ६ लाख रूपैयाँ बराबरको धनमाल जलेर नष्ट भएको छ । प्रहरीले स्थानीय बासिन्दा तथा दमकलको सहयोगमा आगलागी नियन्त्रणमा लिनुका साथै यस सम्बन्धमा आवश्यक अनुसन्धान गरिरहेको छ ।
