जनकपुरधाम । तराई-मधेश लोकतान्त्रिक पार्टीले आज केन्द्रिय कार्यालयमा बैठक गरी प्रत्येक साल मनाउँदै आए झैं आश्विन ३ गते शुक्रवार कालो दिन मनाउने भएको छ ।
संविधानको घोषणा भएपछि तत्काल सीमांकन, पहिचान, समावेशिता, आदिको सम्वोधन नगरिएको भन्दै तत्काल संविधान संशोधनको माग गर्दै भएको आन्दोलनमा निहत्था शान्तिपूर्ण आन्दोलनकारीमाथि गरिएको बर्बर दमन र हत्याको बिरोधमा र शहीदहरुलाई श्रद्धांजली दिन कालो दिन मनाउने निर्णय भएको तमलोपाको नेता बिभा ठाकुरले बताइन ।
जनकपुरको जनकचौकमा तमलोपाले शहिदहरुलाई श्रद्धांजली दिने कार्यक्रम रहेको बताइएको छ ।
