काठमाडाैं । कांग्रेसका नेता डा.शेखर कोइरालाले सञ्चार, सूचना तथा प्रविधिमन्त्री पृथ्वीसुब्बा गुरुङ र केही सीमित स्वार्थ समूहको चलखेलमा ल्याउन लागिएको मिडिया काउन्सिल विधेयकको विरोध गरेका छन्।
स्याङ्जा जिल्लामा मंगलबार आयोजित कार्यक्रममा नेता डा. कोइरालाले सञ्चारमन्त्रीको मातहतमा सञ्चारमाध्यमलाई नियमन गर्न ल्याउन लागिएको मिडिया काउन्सिल विधेकको कुनै औचित्य नरहेको बताए।
उनले भने, ‘अहिले प्रेससम्बन्धी विधेयक आउँछ। यो सबै सरकारको नेतृत्वमा जकडिएको छ। मिडिया काउन्सिल विधेयक किन चाहियो त रु के को लागि चाहियो रु किन चाहियो रु सरकारको मातहत अगर सञ्चारमन्त्रीको मातहत ल्याउने ल्याउने भए मिडिया काउन्सिल नराखे हुन्छ।’
सञ्चार, सूचना तथा प्रविधिमन्त्री पृथ्वीसुब्बा गुरुङको इन्ट्रेस्ट र केही सीमित स्वार्थ समूहको दवावमा मिडिया काउन्सिल विधेयक ल्याउन खोजिएपछि विरोध हुँदै आएको छ। राष्ट्रिय सभाको समितिमा समेत मिडिया काउन्सिल विधेयकको विरोध हुँदै आएको छ।
समितिमा धारणा राख्ने अधिकांश विज्ञ र सांसदहरूले मिडिया काउन्सिल विधेयकमा धेरै कुरा सुधार आवश्यक रहेको बताउने गरेका छन्। उनीहरू जस्ताको त्यस्तै मिडिया काउन्सिल विधेयक आयो भने सञ्चारमाध्यमलाई ठूलो क्षति हुने र लोकतन्त्रको मेरुदण्ड भाँच्चिने बताउँदै आएका छन्।
यसैबीच, नेता डा।कोइरालाले प्रजातान्त्रिक समाजवाद भएन भने देश अधो गतितिर जाने बताएका छन्। ‘डमोक्रेशी हाम्रो लागि अत्यन्तै महत्वपूर्ण छ। समाजवाद मात्रै भनेर पुग्दैन। त्यो कम्युनिस्टहरूले भन्ने कुरा हो,’ उनले भने।
