काठमाडौं– नेपाल दूरसञ्चार प्राधिकरणले ‘टेलिग्राम’ एप तत्काल बन्द गर्न मोबाइल तथा इन्टरनेट कम्पनीलाई निर्देशन दिएको छ ।
नेपालमा सञ्चालनमा रहेको टेलिग्राम एपमार्फत अनलाइन ठगीको सङ्ख्या निरन्तर बढिरहेको तथा सम्पत्ति शुद्धिकरण (मनी लाउण्डरीङ्ग) जस्ता गम्भीर अपराधमा संलग्नताको आधारमा उक्त एप बन्द गर्न सञ्चार तथा सूचना प्रविधि मन्त्रालयको साउन २ गतेको पत्रबमोजिम प्राधिकरणले उक्त एप बन्द गर्न निर्देशन दिएको हो ।
प्राधिकरणले तत्काल नेपालबाट पहुँच पुग्न नसक्ने–बन्द गर्ने व्यवस्था गरी प्राधिकरणलाई अनिवार्य जानकारी गराउन मोबाइल तथा इन्टरनेट कम्पनीहरूलाई अनुरोध गरेको छ ।
