काठमाडौं । बारा, विश्रामपुर गाउँपालिका-५ इटियाहीस्थित पर्सा वीरगंज महानगरपालिका-१५ बस्ने अजय कुमार प्रजापतिको बारा डिस्टीलरी प्रालिमा विद्युत सर्ट भई सोमबार दिउँसो आगलागी हुँदा करिब २६ लाख ६८ हजार रूपैयाँ बराबरको धनमाल जलेर नष्ट भएको छ ।
कपिलवस्तु, कपिलवस्तु नगरपालिका-३ सिकटवा बस्ने ४० वर्षीय घनश्याम कहारले संचालन गरेको सुदामा कुखुरा फर्ममा गए राति आगलागी हुँदा करिब ५ लाख रूपैयाँ बराबरको धनमाल जलेर नष्ट भएको छ । रोल्पा, रोल्पा नगरपालिका-१० खरबुङ बस्ने ४४ वर्षीय दुर्गालाल विकको कच्ची घरमा सोमबार बिहान आगलागी हुँदा घर पूर्णरूपमा जलेर करिब ५ लाख रूपैयाँ बराबरको धनमाल नष्ट भएको छ ।
सप्तरी, कञ्चनरूप नगरपालिका-८ कञ्चनपुर बजार बस्ने रञ्जन साहको माँ दुर्गा हार्डवेर पसलमा विद्युत सर्ट भई सोमबार बेलुकी आगलागी हुँदा करिब ४ लाख बराबरको धनमाल जलेर नष्ट भएको छ ।
पर्सा, जगरनाथपुर गाउँपालिका-१ पिडरिगुठ्ठी बस्ने ४० वर्षीय मोजामिल राय भगत र ३५ वर्षीय हाफिज राय भगतको घरमा विद्युत सर्ट भई सोमबार दिउँसो आगलागी हुँदा करिब १ लाख रूपैयाँ बराबरको धनमाल जलेर नष्ट भएको छ । प्रहरीले स्थानीय बासिन्दा तथा दमकलको सहयोगमा आगलागी नियन्त्रणमा लिनुका साथै यस सम्बन्धमा आवश्यक अनुसन्धान गरिरहेको छ ।
