काठमाडौं । एएफसी वुमन्स एसियन कप २०२६ छनोटको पहिलो खेलमा नेपालले लाओससँग खेल्ने भएको छ । एसियाली फुटबल महासंघ (एएफसी) ले बिहीबार छनोटको खेलतालिका सार्वजनिक गरेको हो ।
जसअनुसार समूह एफमा रहेको नेपालले आफ्नो पहिलो खेल जुलन २९ मा लाओससँग खेल्नेछ । यस्तै नेपालले श्रीलंकासँग जुलाई तथा उज्वेकिस्तानसँग जुलाई ५ मा खेल्नेछ । यस समूहको सबै खेल उज्वेकिस्तानमा हुनेछ ।
वुमन्स एसियन कप छनोटमा एसियाका ३४ टोलीले प्रतिस्पर्धा गर्नेछन् । उनीहरुलाई ८ समूहमा विभाजन गरिएको छ । छनोट चरणको खेलपछि हरेक समूहको विजेता अर्कव वर्ष अष्ट्रेलियामा हुने एएएफसी वुमन्स एसियन कपमा छनोट हुनेछ । वुमन्स एसियन कपमा १२ टोलीले प्रतिस्पर्धा गर्नेछन् ।
आयोजक अष्ट्रेलियासहित साविक विजेता चीन, साविक उपविजेता दक्षिण कोरिया र तेस्रो भएको जापान भने सिधै छनोट भइसकेको छ ।
