रौतहटको चर्चित आनन्द होस्पिटल प्रा. लि. का सञ्चालक डा. उमेश प्रसाद जयसवाललाई जिल्ला प्रहरी कार्यालय रौतहटले सामान्य सोधपुछका लागि बोलाएको भए पनि केही सञ्चारमाध्यममा उनलाई पक्राउ गरिएको भन्ने भ्रामक समाचार फैलाइएको छ।
डा. जयसवालका अनुसार, केही व्यक्तिहरूले आफ्नो स्वार्थ पूरा गर्न नसकेपछि अस्पताललाई बदनाम गर्ने प्रयास गरिरहेका छन्। पटक–पटक आर्थिक दबाब दिने केही पत्रकारहरूको इच्छा पूरा नभएपछि, अस्पताल तथा उनको व्यक्तिगत छविलाई क्षति पुर्याउने उद्देश्यले समाजिक सञ्जाल र केही मिडियामार्फत आधारहीन समाचारहरू प्रचार गरिएको उनले आरोप लगाए।
उनले जिल्लावासीलाई यस्ता गलत प्रचारमा नफस्न आग्रह गर्दै, वास्तविकता नबुझी अफवाहमा विश्वास नगर्न अनुरोध गरेका छन्। साथै, आनन्द होस्पिटलले बिरामीहरूको सेवा र कल्याणलाई सधैं प्राथमिकता दिँदै आएको र भविष्यमा पनि निरन्तर उत्कृष्ट स्वास्थ्य सेवा प्रदान गर्ने प्रतिबद्धता व्यक्त गरेका छन्।
विशेष रिपोर्ट: पत्रकार दिपेश कुमार शाह
