काठमाडौँ / राष्ट्रपति रामचन्द्र पौडेलसँग प्रधानमन्त्री केपी शर्मा ओलीले भेट गरेका छन् । नियमित भेट भए पनि समसामयिक राजनीतिक विषयमा राष्ट्रपति पौडेल र प्रधानमन्त्री ओलीबीच छलफल भएको हो ।
राष्ट्रपति कार्यालयका अनुसार शनिबार राष्ट्रपतिसँग प्रधानमन्त्रीले भेट गरेका हुन् ।
‘नियमित भेटघाट थियो । उक्त भेटघाटमा समसामयिक राजनीतिक विषयमा पनि छलफल भएको छ,’ राष्ट्रपति प्रेस सल्लाहकार किरण पोखरेलले बताए । राष्ट्रपतिलाई भेट्न प्रधानमन्त्री साँझ ६ बजेतिर शीतल निवास पुगेका थिए ।
