काठमाडौं । कास्की, मादी गाउँपालिका-१२ रूदीदोभानस्थित मादी खोलामा पोखरा महानगरपालिका-२७ अर्चले बस्ने १८ वर्षीय मन्दिप लामिछाने शनिबार मृत अवस्थामा फेला परेका छन् ।
लमजुङ, मर्स्याङदी गाउँपालिका-४ काभ्रे भिरस्थित मर्स्याङदी नदीको पाखामा सोही गाउँपालिका-४ सिलढुङ्गा बस्ने ३० वर्षीय रोशन गुरूङ शनिबार मृत अवस्थामा फेला परेका छन् ।
रोल्पा, सुकिदह गाउँपालिका-३ चामी बस्ने सल्यान बाघचौर नगरपालिका-७ गाराकोट घर भएका ७० वर्षीय मन बहादुर दमाई सल्यान पारीखर्कबाट सुकिदह जाने कच्ची सडक तल खोल्सामा शनिबार मृत अवस्थामा फेला परेका छन् । यस सम्बन्धमा प्रहरीले आवश्यक अनुसन्धान गरिरहेको छ ।
