काठमाडाैं । सुदूरपश्चिमका ३ जिल्लामा शनिबारदेखि अवरुद्ध भएको नेपाल टेलिकमको सेवा अझै सुचारु भएको छैन् ।
बैतडी, दार्चुला र बझाङमा नेपाल टेलिकमको भ्वाइस सेवा र इन्टरनेट सेवा शनिबार दिउँसोदेखि अवरुद्ध रही आएको छ ।
बैतडीको अनारखोलीमा अप्टिकल फाइबर ब्रेक भएपछि सेवा अवरुद्ध भएको नेपाल टेलिकमले जनाएको छ ।
टेलिकमको भ्वाइस सेवा र इन्टरनेट सेवा अवरुद्ध भएपछि हजारौं ग्राहक मारमा परेका छन् । टेलिकमको सेवा अवरुद्ध हुँदा सञ्चार सम्पर्क टुटेको धेरै ग्राहकहरुले गुनासो गरेका छन् ।
