काठमाडौं । बागमती प्रदेशको राष्ट्रभाषा ऐन कार्यान्वयन गर्नका लागि विज्ञ समुह र प्रतिष्ठान तुरन्तै गठन गर्न आफूहरु तयार रहेको बागमती प्रदेशका मुख्यमन्त्री बहादुर सिंह लामाले बताउनु भएको छ ।
भाषा ऐन अनुसार बागमती प्रदेशको संसदमा नेपालभाषा र तामाङ भाषाका अनुवादकहरु दुर्य जना नियुक्ति गर्ने प्रक्रियामा रहेको बताउदै उहाँले राष्ट्रभाषा ऐनलाई पूर्ण रुपमा कार्यान्वयन गर्ने बताउनु भयो ।
नेवाः देय् दबू स्वनिगः विशेष प्रदेशका अध्यक्ष श्रीकृष्ण महर्जन, नेपाल तामाङ घेदुङका बागमती प्रदेश अध्यक्ष लिला कुमार घलान तामाङ र नेवाः देय् दबू बागमती प्रदेशका अध्यक्ष विष्णुगोपाल महर्जनले संयुक्त रुपमा ऐन लागू गर्नका लागि विज्ञ समुह र प्रतिष्ठान गठन गर्नका लागि ध्यानाकर्षण पत्र दिने क्रममा मुख्यमन्त्री लामाले सो कुरा बताउनु भएको हो ।
बागमती प्रदेशको राजधानी हेटौंडाीस्थत मुख्यमन्त्री एवं मन्त्री परिषद कार्यालयमा बुधवार मुख्यमन्त्रीलाई ध्यानाकर्षण पत्र दिने काम भएको हो ।
ध्यानाकर्षण पत्रमा २०८० साल कार्तिक २३ गते ऐन प्रकाशित भएको र हाल सम्म १० महिना पुगिसेको र उक्त ऐन लागू भयो भनी घोषणा गरेको नै चार महिना पुगिसकेको अवस्थामा ऐनलाई कार्यान्वयनका लागि ऐनको दफा १३ अनुसार विज्ञ समुह र दफा १५ को व्यवस्था अनुसार राष्ट्रभाषा विकास प्रतिष्ठान गठन गर्न माग गरिएको छ ।
