पाकिस्तानले नेपाललगायत १२६ मुलुकलाई निःशुल्क भिसा दिने
काठमाण्डौ / पाकिस्तान सरकारले नेपाललगायत एक सय २६ मुलुकलाई भिसा निःशुल्क दिने निर्णय गरेको छ ।
साथै, २४ घण्टाभित्र इ–भिसा उपलब्ध गराइने पनि जानकारी गराईएको छ ।
नेपालका लागि पाकिस्तानी राजदूत अब्रार एच। हास्मीले सामाजिक सञ्जालमार्फत यस्तो जानकारी गराउनु भएको छ । पाकिस्तानले भिसा नीतिमा आवश्यक लचकता अपनाउँदै अनलाइन भिसा पोर्टल प्रारम्भ गरेको सूचनामा उल्लेख छ ।
पाकिस्तानले पर्यटनलाई टेवा दिन पछिल्लो निर्णय गरेको हो । पर्यटक र व्यवसायीहरुले अनलाइन मार्फत् आवेदन गरेमा २४ घण्टाभित्र निःशुल्क भिसा उपलब्ध गराईने सूचनामा जनाइएको छ ।
