काठमाडौँ / कान्तिपुर मिडिया ग्रुपका अध्यक्ष कैलाश सिरोहियालाई धनुषातर्फ लगिएको छ। मंगलबार साँझ कान्तिपुर कार्यालयबाट पक्राउ गरेलगत्तै सिरोहियालाई गाडीमा धनुषा रवाना गरिएको हो।
जिल्ला अदालत धनुषाको पक्राउ पुर्जीका आधारमा सिरोहियालाई पक्राउ गरिएको हो। उनलाई बुधबार बिहान धनुषा जिल्ला अदालतमा पेश गर्ने तयारी रहेको स्रोतले जानकारी दिए।
उनीविरुद्ध धनुषा प्रहरीमा नागरिकता कीर्ते गरेको भन्दै उजूरी परेको थियो। उक्त उजूरीपछि जिल्ला अदालतबाट सिरोहियाविरुद्ध मंगलबार पक्राउ पुर्जी जारी भएको थियो।
तर, सिरोहियाले भने आफूलाई प्रतिशोधपूर्ण तरिकाले पक्राउ गरिएको बताएका छन्। उनले पक्राउ परेपछि सञ्चारकर्मीहरुलाई संक्षिप्त प्रतिक्रिया दिँदै सरकार नवअधिनायकवादतर्फ अगाडि बढेको बताएका थिए।
कान्तिपुरले गृहमन्त्री रवि लामिछानेको सहकारी ठगीबारे निरन्तर समाचार प्रकाशित गरेपछि आफूलाई प्रतिशोध साध्न पक्राउ गरेको उनको दाबी थियो।
