काठमाडौं । संस्कृति तथा पर्यटनमन्त्री सुदन किराँतीले बुधबार बोलेका विषयलाई लिएर बिहीबार राजधानीमा उनको राजीनामा माग गर्दै प्रदर्शन गरिएको छ।
मन्त्री किराँतीको राजीनामा माग गर्दै बिहीबार गौशालास्थित पशुपति क्षेत्र विकास कोषको कार्यालयअगाडि विभिन्न संघसंस्थाले विरोध प्रदर्शन गरेका हुन्।
विरोधमा राप्रपाका नेता धवलशमशेर राणा पनि सहभागी थिए।
मन्त्री किराँतीले बुधबार राजधानीमा आयोजित एक कार्यक्रममा क्रिश्चियन धर्म नमान्नेलाई देशद्रोहीको संज्ञा दिँदै उनीहरुलाई हथकडी लगाउनुपर्ने जनाएका थिए।
