पोखरा / पोखरामा लागुऔषधसहित १७ वर्षीय किशोर पक्राउ परेका छन्। वडा प्रहरी कार्यालय गगनगौँडाले शनिबार कास्कीको पोखरा महानगरपालिका–३० पावरहाउसचोकबाट सवारी चेकजाँचका क्रममा पक्राउ गरेको हो।
पोखरा आउँदै गरेको बस चेकजाँचको क्रममा बाराको सिम्रौनगढ–८ का १७ वर्षीय किशोर पक्राउ परेको जिल्ला प्रहरी कार्यालय कास्कीका सूचना अधिकारी डिएसपी श्रवणकुमार विकले बताए।
उनको साथबाट डाइजापाम ८० एम्पुल, फेनारगन ७२ एम्पुल, नुर्फिन ७७ एम्पुल र नाइट्रोभ्याट ५७० चक्की बरामद गरेको उनले जानकारी दिए। एक हजार नगद र १ थान मोबाइलसमेत बरामद भएको छ। कास्की जिल्ला अदालतबाट ४ दिनको म्याद थप गरेर लागुऔषधसम्बन्धी मुद्दामा थप अनुसन्धान भइरहेको प्रहरीले जनाएको छ।
