आगामी सेप्टेम्बर ९ र १० मा भारतमा हुने ‘जी २०’ राष्ट्रहरुको सम्मेलनमा चिनियाँ राष्ट्रपति सी जिङपिङ नआउने भएका छन्।
यसअघि दुई दिनपहिले मात्र रुसी राष्ट्रपति भ्यालिमिर पुटिनले भारतीय प्रधानमन्त्री नरेन्द्र मोदीलाई फोन गरी जी २० सम्मेलनमा आफू आउन नपाउने बताइसकेका छन्। राष्ट्रपति पुटिनका सट्टा रुसी विदेशमन्त्री सर्गेई ल्याब्रोभले जी २० सम्मेलनमा रुसको प्रतिनिधित्व गर्नेछन्।
उता चिनियाँ राष्ट्रपति सी पनि जी २० को सम्मेलनमा सहभागी हुन अनिच्छुक देखिएका छन्। नयाँ दिल्लीमा हुने जी २० शिखर सम्मेलनमा राष्ट्रपति सीको सट्टा चिनियाँ प्रधानमन्त्री ली क्वाङ सहभागी हुनसक्ने चिनियाँ विदेशमन्त्रालयका विश्वस्त स्रोतहरुले न्यूज एजेन्सीहरुलाई बताएका छन्।
अमेरिकी राष्ट्रपति जो बाइडेन भने जी २० शिखर सम्मेलनका लागि नयाँ दिल्ली आउँदै छन्।
