काठमाडाैं । नेपाल कम्युनिष्ट पार्टी केन्द्रीय कार्यालयले देशविदेशमा रहेका सम्पूर्ण नेपालीहरूलाई गणतन्त्र दिवसको शुभकामना दिएकाे छ ।
नेपाली जनताले ठूलो बलिदानी संघर्षबाट प्राप्त गरेको गणतन्त्रलाई यसका मूल्य, मान्यता र गरीमामय महत्वकासाथ राष्ट्र र जनतालाई सबल, सक्षम र समुन्नत तुल्याउन तिनका हितमा समय सापेक्षरुपमा प्रयुक्त गर्न नसक्दा र यसको दुरुपयोग गरिदा आज जन गणमा ठूलो निराशा, अबिश्वास र अप्रसन्नता पैदा भएको छ ।
सत्ता र शक्तिको दुरुपयोग गरेर भयावह भ्रष्टचार, मानब तस्करी र ठगी जस्ता संगठित अपराधले आज मुलुक आक्रान्त छ । जनता र राष्ट्रको बर्तमान अशाान्त र भबिष्य असुरक्षित छ । आम जन समुदायाको दैनिक जीवनयापन नै संकष्टमय र दुरुह बनिरहेको छ । राष्ट्रको स्वाधीनता, सार्वभौमिक अखण्डता स्वतन्त्रता नै दाउमा लागेको छ । यसले गर्दा आज गणतन्त्र जनताको निम्ति आशाको दीप बन्न सकेको छैन ।
यस्तो अबस्थामा गणतन्त्रको महिमागान निरर्थक र अस्वीकार्य बन्न जान्छ ।« त्यसैले सम्पूर्ण गणतन्त्रप्रेमीले आज भ्रष्टचार, तस्करी, कालोबाजरी, कमिशनखोरी लगायतका सम्पूर्ण अमानबीय हर्कतका बिरुद्ध बर्तनमा अबस्था र ब्यवस्था फेर्नै केन्द्रित हुनुपर्ने स्थिति बिकास भएको छ । यसका निम्ति राष्ट्र र जनतको हित हुने जन केन्द्रित, अग्रगामी राष्ट्रिय बिकल्पकासाथ संघर्षशील रहनुको कुनै बिकल्प छैन । त्यसका लागि अग्रसर हुन सम्पूर्ण सचेत जन समुदायमा हार्दिक आह्वानका सार्थ गणतन्त्रको हार्दिक शुभकाना !
