कीर्तिपुर । जोशीननी हेरिटेज होम्स एण्ड नेवाः रेष्टुरेन्टमा मगन इन्टरटेन्टमेन्टको ब्यानरमा निर्मित नयाँ लघुचलचित्र ‘उच्च शिक्षा’को आज प्रिमियर शाे हुने भएकाे छ ।
माघ ७ गतेकाे पत्रकार सम्मेलन भएकाे कार्यक्रममा लघुचलचित्र ‘उच्च शिक्षा’का लेखक तथा निर्देशक रजिन महर्जन, चलचित्रका मुख्य कलाकारहरु लक्ष्मीकुमार महर्जन उदास, नव प्रतिभा युवा कलाकार क्रिशल श्रेष्ठ र सुदीप भजुले उच्च शिक्षा लघुचलचित्र र चलचित्र निर्माणको क्रममा आ–आफ्ना अनुभव एवं उच्च शिक्षा के हो भन्ने विषयमा धारणा राखेका थिए ।
उक्त पत्रकार सम्मेलनमा लेखक निर्देशक रजिन महर्जनद्वारा संगीतबद्ध एवं स्वरबद्ध तथा ईश्वर दाहाल रचित र सुरेन्द्र श्रेष्ठद्वारा संगीत संयोजन गरिएको लघुचलचित्र ‘उच्च शिक्षा’को प्रोमोशनल गीतको भिडियो ‘आफै जान्ने…’ बोलको गीत पनि प्रदर्शन गरिएको थियो ।
पत्रकार सम्मेलनमा ‘उच्च शिक्षा’का लेखक एवं निर्देशक रजिन महर्जनले उच्च शिक्षा एक सामाजिक परिवेशमा हाल तरंगित यथार्थ कथामा आधारित लघुचलचित्र भएको जानकारी उपस्थित पत्रकारहरुमाँझ जानकारी दिएका थिए ।
यस्तै, कार्यक्रमको प्रश्नोत्तर एवं अन्तरक्रिया समयमा नेपालभाषा सिने पत्रकारिता क्षेत्रका प्रथम सिनेपत्रकार एवं नेपालभाषा म्यूजिक भिडियो क्षेत्रका प्रथम म्यूजिक भिडियो निर्देशक विजयरत्न असंबरे, नेवाः राष्ट्रिय पत्रकार दबूका पूर्व केन्द्रीय अध्यक्ष एवं संगीतकर्मी तथा संचारकर्मी सुरजवीर बज्राचार्य, कीर्तिपुरबाट प्रकाशित सहीद साप्ताहिकका सम्पादक नारायण महर्जन तथा केबिएस प्रोडक्सन लुभूका कृष्णभक्त श्रेष्ठले लघुचलचित्र ‘उच्च शिक्षा’ सम्बन्धित जिज्ञासा एवं प्रश्नको सहजीकरण उक्त चलचित्रका निर्देशक लेखक रजिन महर्जनले गरेका थिए ।
लघुचलचित्र ‘उच्च शिक्षा’की निर्मात्री जमुना महर्जनले उक्त चलचिका कलाकार, प्राविधिक एवं सहयोगीहरुलाई टोकन अफ एप्रिसिएसन हस्तान्तरण गरेको उक्त पत्रकार सम्मेलन नेवाः अनलाइनन्यूज डटकमका सम्पादक कीर्तिपुरका ललेन्द्र शाक्यले संचालन गरेका थिए ।
पत्रकार सम्मेलनमा उक्त लघुचलचित्र ‘उच्च शिक्षा’ आज बुधबार कीर्तिपुर पांगास्थित कीर्तिपुर सिनेप्लेक्स हलका विशेष प्रिमियर शो हुने र माघ १२ गते बिहिबार श्रीपंचमीका दिन मगन इन्टरटेन्टमेन्टको अफिसियल यूट्युब च्यानलमा सार्वजनिक हुने जानकारी पनि दिइएको थियो ।