जनकपुरधाम – सप्तरी प्रहरीले ठूलो परिमाणमा लागूऔषध गाँजा बरामद गरेको छ।
हनुमाननगर कंकालिनी नगरपालिका–१ स्थित कोशी ब्यारेजको गोल घरदेखि करिब पाँच सय मिटर उत्तरपूर्व कोशी भंगालोको पूर्वीटापुको एकान्त ठाउँ बालुवामा खाल्टो खनि पुरिएको अवस्थामा ८ क्वीन्टल गाँजा बरामद भएको सप्तरीका प्रहरी प्रमुख प्रहरी उपरीक्षक अविनारायण काफ्लेले जानकारी दिए।
खाल्डो खनी ठूलो मात्रामा लागूऔषध गाँजा राखेको सूचानाको आधारमा जिल्ला प्रहरी कार्यालयबाट खटिएको प्रहरी टोलीले बालुवाभित्र खनेर हेर्दा एक ठाउँमा १२ बोरा र अर्को ठाउँमा ९ बोरा तथा तेस्रो खाल्डोमा६ बोरा गरी जम्मा २७ बोरामा ८ क्वीन्टल १० केजी गाँजा बरामद गरेको प्रहरी उपरीक्षक काफ्लेले बताए।
यस सम्बन्धमा थप अनुसन्धान भइरहेको जिल्ला प्रहरी कार्यालय सप्तरीले जनाएको छ।
