काठमाडौं । युएईको अबुधाबी काउन्ट्री क्लबमा आबद्ध फरवार्ड रेखा पौडेल एएफसी महिला च्याम्पियन्स लिगमा गोल गर्ने पहिलो नेपाली खेलाडी बनेकी छन् ।
आइतबार प्रारम्भिक चरणको पहिलो खेलमा अबुधाबीले लाओसको योङ इलाफेन्ट्सविरुद्ध २-१ को जित निकाल्दा रेखाले ४६औं मिनेटमा गोल गरिन् ।
समूह ‘ए’ को अबुधाबीले अब म्यानमारको म्यावाडी एफसीसँग २८ अगस्ट र साउदी अरबको अल नासर एफसीसँग ३१ अगस्टमा खेल्ने छ।
आइतबारै समूह ‘सी’ को पहिलो खेलमा नेपालको विभागीय टोली एपिएफ क्लब उज्वेकिस्तानको पिएफसी नासाफसँग एपिएफ १-० ले पराजित भएको थियो।
