काठमाडौं । नेपाल सपुल लिग (एनएसएल) फुटबल अन्तर्गत शनिबार भएको दिनको पहिलो खेलमा पोखरा थन्डर्सले वीरगन्ज युनाइटेडलाई पराजित गर्दै अङ्क तालिकाको दोस्रो स्थानमा उकलिएको छ। वीरगन्जलाई २-१ ले पराजित गर्दै शीर्ष स्थानको धनगढी समान ११ अङ्क बनाएपनि गोल अन्तरमा पछि रहँदै दोस्रो स्थानमा रहेको हो।
दशरथ रंगशालामा भएको खेलमा पहिलो हाफमा लिएको अग्रता नै पोखरालाई तीन अङ्कका लागि पर्याप्त बन्यो। जारी प्रतियोगितामा यो पोखराको तेस्रो जित हो। पोखराको जितमा मोजेस ग्याबा र जो आइदुले समान १-१ गोल गरे। आइकिन्स बफोरले वीरगन्जका लागि बराबरी गोल फर्काएपनि टिमको हार टार्न पर्याप्त भएन।
पोखरा ६ खेलमा ११ अंक जोड्दै दोस्रो स्थानमा उक्लँदा वीरगन्ज ६ खेलमा ५ अंकका साथ पुछारबाट दोस्रोमा रहेको छ। वीरगन्जले गत खेलमा इलामविरुद्ध पराजित भएपछि उसले विरगन्ज विरुद्ध प्लेइङ ११ मा २ खेलाडी परिवर्तन गरेको थियो।
खेलमा पोखराले जो आइडुको गोल मार्फत टैटौं मिनेटमा अग्रता बनायो। स्टेफन अन्नोरले दिएको पासलाई सदुपयोग गर्दा दीप कार्कीले गोल छेक्ने कुनै अवसर पाएनन्। ११ औं मिनेटमा नै वीरगन्जले खेललाई बराबरीमा ल्यायो। सुशील लामाको क्रसमा डिफेन्डर आइकिन्स बफुरले हेड गर्दै खेललाई बराबरीमा ल्याएका हुन।
पहिलो हाफमानै अग्रता बनाउने क्रममा ४४ औं मिनेटमा पोखराका लागि स्टेफन अन्नोरको क्रसलाई हेड गर्दै मोसेसले खेलमा पोखरालाई २-१ को अग्रता दिलाए। जुन अग्रता अन्तिम सम्म जोगाउन पोखरा सफल हुँदा खेल गुमाउन विरगन्ज बाध्य भयो। आजै हुने दोस्रो खेलमा स्पोर्टिङ इलाम र चितवन एफसी प्रतिस्पर्धा गर्दै छन्। खेल साँझ ५ बजे सुरु हुने छ।
