काठमाडौं । नेपाल सुपर लिग (एनएसएल) मा काठमाडौं रेजर्स र चितवन एफसी बराबरीमा रोकिएको छ । दशरथ रङ्गशालामा मङ्गलबार भएको खेलमा काठमाडौं र चितवन १-१ गोलको बराबरीमा रोकिएको हो ।
खेलमा अग्रता चितवनले लिएको थियो । ८६औँ मिनेटमा नवयुग श्रेष्ठले गोल गर्दै चितवनको उत्साह जगाउनुभयो । त्यसपछि दोस्रो हाफको अतिरिक्त समयमा काठमाडौंका जुनियर एकेनगुएले गोल गर्दै टोलीलाई हारबाट जोगाउनुभयो ।
बराबरीसँगै काठमाडौंले दुई खेलबाट चार अङ्क बनाएको छ । चितवनको एक अङ्क छ ।
