काठमाडौं । साता कारोबारको अन्तिम दिन बिहीबार सेयर बजारले २ हजार अंक नाघेको छ । परिसूचक ५६.८८ अंकले बढेर २०२९ मा पुगेको छ ।
कुल २ अर्ब ८६ करोड रुपैयाँ बराबरको धितोपत्र कारोबार भयो । यस दिन सबै उपसमूह बढेका छन् । बैंकिङ २४, विकास बैंक ११६, फाइनान्स ८७, होटल तथा पर्यटन ७६, जलविद्युत् १०५, जीवन बीमा ३८५, उत्पादन ११२, माइक्रोफाइनान्स ११३, निर्जीवन बीमा ३४८, अन्य ४१ र ब्यापार उपसमूह ४७ अंक बढे । २०८ कम्पनीको मूल्य बढ्दा जम्मा ६ को घट्यो ।
८ कम्पनीको मूल्य १० प्रतिशत हाराहारी बढ्यो । हिमालय ऊर्जा विकास, सानिमा लाइफ इन्स्योरेन्स, सिर्जनशील लघुवित्तको मूल्य १० प्रतिशत बढ्यो ।
धाैलागिरि लघुवित्त, अजोड इन्स्योरेन्स, प्रभु लाइफ इन्स्योरेन्स, स्वेतगंगा हाइड्रोपावर, रिलायन्स लाइफ इन्स्योरेन्सको मूल्य ९.९ प्रतिशत बढ्यो ।कारोबार रकमका आधारमा हिमालयन डिस्टिलरी, नेपाल टेलिकम, रिडी पावर, एनआईसी एसिया बैंक र नबिल बैंक क्रमशः अगाडि रहे । प्रकाशित : पुस १४, २०७९ १५:०९
