नुवाकोट । बेलकोटगढी नगरपालिका-७ ठुलोखोला पुलस्थित सडकमा बा.०३-००१ ख २५८४ नम्बरको टिपर र बा.०२-०२९ प ५७५८ नम्बरको मोटरसाइकल एक आपसमा ठक्कर खाई बिहीबार बिहान दुर्घटना हुँदा मोटरसाइकलमा सवार लिखु गाउँपालिका-१ बस्ने ५० वर्षीय नेत्रमान विकको मृत्यु भएको छ ।
दुर्घटनामा गम्भीर घाइते भएका उनको त्रिशुली अस्पताल नुवाकोटमा उपचारको क्रममा मृत्यु भएको हो । प्रहरीले टिपर चालकलाई नियन्त्रणमा लिई यस सम्बन्धमा थप अनुसन्धान गरिरहेको छ ।
