शनि, मंसिर ६, २०८३
जनधारणा
Advertisement
  • गृह पृष्ठ
  • समाचार
  • राजनीति
  • विश्व
  • वाणिज्य
  • स्वास्थ्य
  • विचार
  • खेलकुद
  • पर्यटन
  • विविध
    • अन्तर्वार्ता
    • साहित्य
    • मनोरञ्जन
    • सम्पादकीय
    • मौसम
    • समाज
    • वातावरण
No Result
View All Result
ई-पत्रिका
  • गृह पृष्ठ
  • समाचार
  • राजनीति
  • विश्व
  • वाणिज्य
  • स्वास्थ्य
  • विचार
  • खेलकुद
  • पर्यटन
  • विविध
    • अन्तर्वार्ता
    • साहित्य
    • मनोरञ्जन
    • सम्पादकीय
    • मौसम
    • समाज
    • वातावरण
No Result
View All Result
ई-पत्रिका
जनधारणा
Home समाचार

अमेजनका गोदाममा काम गर्ने नेपाली श्रमिकले श्रम शोषण

धारणा न्यूज by धारणा न्यूज
४ दिन अगाडि
Reading Time: 1 min read
0
अमेजनका गोदाममा काम गर्ने नेपाली श्रमिकले श्रम शोषण
2.2k
SHARES
27k
VIEWS
Share on Facebook

काठमाडौं । साउदी अरबमा अमेजनका गोदाममा काम गर्ने नेपाली श्रमिकले श्रम शोषण र असुरक्षित रोजगारीको समस्या भोगिरहेको अन्तर्राष्ट्रिय मानव अधिकार संस्था एम्नेस्टी इन्टरनेसनलले जनाएको छ ।

एम्नेस्टी इन्टरनेसनलले सोमबार सार्वजनिक गरेको प्रतिवेदनमा तेस्रो पक्षका श्रमिक आपूर्ति कम्पनीमार्फत काममा लगाइएका नेपालीसहितका आप्रवासी कामदारले न्यूनतम श्रमिक अधिकारसमेत उपभोग गर्न नपाएको उल्लेख छ । प्रतिवेदनअनुसार श्रमिकको भर्ती शुल्क, आवासको अवस्था र गुनासो सुनुवाइ प्रणालीमा केही सुधार गरे पनि कामको असुरक्षा, न्यून पारिश्रमिक र रोजगारदाताको मनोमानी भने कायमै छ ।

विशेषगरी अमेजनको गोदाममा काम गर्ने जिम्मेवारीबाट हटाइएपछि श्रमिकहरू हप्तौँदेखि महिनौँसम्म बेरोजगार बस्नुपर्ने र त्यस अवधिको पारिश्रमिकसमेत नपाउने अवस्था रहेको प्रतिवेदनमा उल्लेख छ ।

प्रतिवेदनअनुसार अमेजनले तेस्रो पक्षका श्रमिक आपूर्ति कम्पनीमार्फत कामदार नियुक्त गर्ने गरेको छ । यसरी नियुक्त भएका श्रमिकको रोजगारी, भिसा र रोजगार परिवर्तन गर्ने अधिकारसमेत आपूर्ति कम्पनीको नियन्त्रणमा रहने गरेको छ ।

अमेजनबाट हटाइएपछि न काम, न तलब

एम्नेस्टीले सार्वजनिक गरेको Amazon in Saudi Arabia : Why migrant workers remain at risk of exploitation शीर्षकको प्रतिवेदन सन् २०२५ सेप्टेम्बरदेखि २०२६ मार्चसम्म गरिएको अनुगमन र अनुसन्धानमा आधारित छ ।

यस क्रममा साउदी अरबको रियादस्थित अमेजनको एउटा गोदाममा काम गरेका वा गरिरहेका भारत र नेपालका २४ जना श्रमिकसँग अन्तर्वार्ता गरिएको थियो ।

अन्तर्वार्ता दिएकामध्ये अधिकांश श्रमिकले अमेजनले आफूलाई जुनसुकै बेला कामबाट हटाउन सक्ने बताएको प्रतिवेदनमा उल्लेख छ । अमेजनको गोदाममा काम गर्ने जिम्मेवारी अन्त्य भएपछि पनि उनीहरूलाई श्रमिक आपूर्ति गर्ने कम्पनीसँगको करार र भिसाका कारण अर्को रोजगारदाता खोज्न वा स्वदेश फर्कन सहज नहुने गरेको प्रतिवेदनमा उल्लेख छ ।

प्रकाश नामका एक नेपालीले अमेजनले आफूहरूलाई कुनै पनि बेला कामबाट निकाल्न सक्ने भन्दै रोजगारीको अनिश्चितता व्यक्त गरेका छन् । ‘उनीहरूले हामीलाई जुनसुकै बेला कामबाट निकाल्न सक्छन् । आज वा भोलि कहिले निकाल्छन् भन्ने निश्चित छैन । हामी अस्थायी कामदार हौँ,’ एम्नेस्टी इन्टरनेसनलले प्रकाशको भनाइ प्रतिवेदनमा राखेको छ ।

अमेजनको गोदाममा काम गर्ने जिम्मेवारी समाप्त भएपछि श्रमिक आपूर्ति कम्पनीले अर्को काम नदिने र हप्तौँदेखि महिनौँसम्म तलब नदिई राख्ने गरेको श्रमिकहरूको भनाइ छ । यस्तो अवस्थामा कतिपय श्रमिक साथीभाइसँग सापटी लिएर वा उनीहरूकै सहयोगमा गुजारा चलाउन बाध्य हुने गरेका छन् ।

अयान नामका भारतीय नागरिकले पनि अमेजनबाट निकालिएपछि स्वदेश फर्कने प्रतीक्षामा बिताएका तीन महिनालाई निकै कठिन समयका रूपमा सम्झिएका छन् । ‘ती तीन महिना मेरा लागि निकै कठिन थिए । खल्तीमा पर्याप्त पैसा थिएन । सहकर्मीहरूले खाना दिएर सहयोग गरे । आफूले चाहेजति खान पनि पाउँदिनथेँ,’ उनले भनेका छन् ।

दुई वर्षको करार पूरा नगरी घर फर्कन नपाइने दबाब

प्रतिवेदनमा श्रमिक आपूर्ति कम्पनीहरूले कामदारलाई अर्को रोजगारदाताकहाँ जान रोक्ने वा कम पारिश्रमिकमा काम गर्न दबाब दिने गरेको समेत उल्लेख छ ।

अर्का कामदार अरुणले नजिकको आफन्तको मृत्यु भएपछि बिदा लिएर घर गएको अवस्थामा अमेजनको कामबाट हटाइएको बताएका छन् । उनका अनुसार श्रमिक आपूर्ति कम्पनीले बिदा स्वीकृत गरे पनि अमेजनले उनलाई कामबाट हटाएको थियो ।

कामबाट हटेपछि वैकल्पिक रोजगारीसमेत नदिएको कम्पनीले स्वदेश फर्कन आवश्यक एक्जिट भिसाको प्रक्रिया अघि बढाउन दुई महिनाको तलबबराबर रकम मागेको अरुणको भनाइ छ ।

‘उनीहरूले दुई वर्षको करार पूरा नगरी कामदारलाई घर जान दिँदैनन् । उनीहरूलाई पैसा तिर्न मसँग पैसा नै कसरी हुन्थ्यो ?’ अरुणले प्रश्न गरेका छन् ।

यसले साउदी अरबको आप्रवासी श्रमिकसम्बन्धी कफाला (प्रायोजन) प्रणालीमा रहेका संरचनात्मक समस्याले नेपाली श्रमिकलाई समेत प्रभावित पारिरहेको देखाएको एम्नेस्टीको निष्कर्ष छ ।

कामको लक्ष्य पूरा नगरे जागिरबाट निकाल्ने धम्की

अमेजनका गोदाममा काम गर्ने श्रमिकले कामको चर्को दबाब र निरन्तर निगरानीसमेत भोग्नुपरेको प्रतिवेदनमा उल्लेख छ ।

श्रमिकहरूलाई निश्चित समयभित्र तोकिएको काम पूरा गर्न दबाब दिने, लक्ष्य पूरा भए–नभएको निरन्तर अनुगमन गर्ने र अपेक्षित कार्यसम्पादन गर्न नसके चेतावनी दिने तथा कामबाट हटाउने धम्की दिने गरिएको अनुसन्धानले देखाएको छ ।

यो पनि पढ्नुहोस्

दलको पक्षधरता त्यागेर जनताको सेवामा केन्द्रित हुन निर्देशन

दलको पक्षधरता त्यागेर जनताको सेवामा केन्द्रित हुन निर्देशन

४ घण्टा अगाडि
संक्रमणकालीन न्यायका बाँकी कामहरू अविलम्ब पूरा गर्न सबै पक्षलाई आग्रह

संक्रमणकालीन न्यायका बाँकी कामहरू अविलम्ब पूरा गर्न सबै पक्षलाई आग्रह

७ घण्टा अगाडि

एक वर्षभन्दा बढी समयदेखि सामान छान्ने (पिकर) काम गर्दै आएका दीपकले लक्ष्य पूरा नगरेको भन्दै व्यवस्थापकले धम्क्याउने गरेको बताएका छन् ।

‘व्यवस्थापक चिच्याउँदै सोध्छन्– तिमीले आफ्नो लक्ष्य किन पूरा गरेनौ ? म तिमीलाई कामबाट निकालिदिन्छु,’ अर्का एक कामदार दीपकको भनाइ उद्धृत गर्दै प्रतिवेदनमा उल्लेख छ ।

श्रमिकलाई समस्या वा दुर्व्यवहारबारे उजुरी गर्न अमेजनको ‘माइभोइस’ (MyVoice) प्रणाली उपलब्ध भए पनि आपूर्ति कम्पनीले प्रतिशोध साँध्न सक्ने डरले कतिपय श्रमिक उजुरी गर्न हिचकिचाउने गरेको प्रतिवेदनमा उल्लेख छ ।

अमेजनको गोदामबाट बाहिरिएपछि उक्त प्रणालीमा पहुँच नहुने भएकाले श्रमिक आपूर्ति कम्पनीसँग सम्बन्धित समस्याबारे उजुरी गर्नसमेत कठिन हुने गरेको श्रमिकहरूको भनाइ छ ।

सुधार गरे पनि शोषणको जोखिम कायमै

एम्नेस्टीले सन् २०२३ मा गरेको अनुसन्धानपछि अमेजनले केही सुधारका कदम चालेको थियो । अवैध भर्ती शुल्कका कारण समस्यामा परेका साउदी अरबमा कार्यरत १ हजार १८० जना श्रमिकलाई अमेजनले २४ लाख ५० हजार अमेरिकी डलरभन्दा बढी रकम फिर्ता गरेको थियो ।

त्यसैगरी श्रमिकको आवास सुविधा सुधार, गुनासो सुनुवाइ प्रणालीमा पहुँच र श्रमिक आपूर्ति कम्पनीमाथिको निगरानी बढाइएको अमेजनले जनाएको छ ।

एम्नेस्टीका अनुसार पछिल्लो अनुसन्धानमा पनि केही सकारात्मक सुधार देखिएका छन् । तर श्रमिकको रोजगारी र आप्रवासनसम्बन्धी हैसियत तेस्रो पक्षका कम्पनीमा निर्भर रहँदासम्म शोषणको जोखिम अन्त्य नहुने निष्कर्ष प्रतिवेदनको छ ।

एम्नेस्टी इन्टरनेसनलकी जलवायु, आर्थिक तथा सामाजिक न्याय र कर्पोरेट जवाफदेहितासम्बन्धी कार्यक्रम निर्देशक मार्टा साफले तीन वर्षपछि पनि श्रमिकहरुले उस्तै समस्या र असुरक्षा भोगिरहेको बताएकी छन् ।

‘अमेजनले श्रमिकको अवस्था सुधार्न केही कदम चालेको छ र गैरकानुनी भर्ती शुल्कसमेत फिर्ता गरेको छ । तर गोदाममा काम गर्ने आप्रवासी श्रमिकको भर्ती र रोजगारी तेस्रो पक्षलाई सुम्पिने उसको प्रणालीले उनीहरूलाई अझै पनि आफ्नो आम्दानी, कानुनी हैसियत र रोजगारी परिवर्तन गर्ने अधिकारका लागि श्रमिक आपूर्ति कम्पनीमा निर्भर बनाएको छ,’ उनले भनेकी छन् ।

एम्नेस्टीले अमेजनलाई तेस्रो पक्षका श्रमिक आपूर्ति कम्पनीमाथिको निर्भरता घटाएर कामदारलाई प्रत्यक्ष रोजगारी दिन आग्रह गरेको छ । तत्कालका लागि अमेजनले कामदारलाई आफ्नो गोदामबाट हटाएपछि पनि आम्दानीविहीन हुन नदिने व्यवस्था गर्नुपर्ने उसको सुझाव छ ।

त्यस्तै, श्रमिक आपूर्ति कम्पनीले अर्को उपयुक्त रोजगारी उपलब्ध गराउन नसके स्वदेश फर्कने व्यवस्था र खर्च सुनिश्चित गर्नुपर्ने एम्नेस्टीको माग छ ।

संस्थाले साउदी सरकारलाई भने कफाला प्रणाली पूर्ण रूपमा अन्त्य गर्न र रोजगारदाताले आप्रवासी श्रमिकको जीवनमाथि गर्ने नियन्त्रण हटाउन आग्रह गरेको छ ।

प्रतिवेदन सार्वजनिक हुनुअघि एम्नेस्टीले अनुसन्धानका निष्कर्ष अमेजन र साउदी सरकारलाई पठाएको थियो । अमेजनले आफ्नो जवाफमा श्रमिक आपूर्ति कम्पनीको निगरानी, स्वास्थ्य तथा सुरक्षा प्रणाली र उजुरी संयन्त्र बलियो बनाएको दाबी गरेको छ । तर प्रतिवेदन सार्वजनिक हुँदासम्म साउदी सरकारले भने एम्नेस्टीको प्रश्नको जवाफ दिएको थिएन ।

Leave a Reply Cancel reply

Your email address will not be published. Required fields are marked *

Facebook Youtube TikTok

हाम्रो बारेमा

यो वेबसाइट जनधारणा राष्ट्रिय साप्ताहिकको आधिकारिक न्युज पोर्टल हो । नेपाली भाषाको यो पोर्टलले समाचार, विचार, मनोरञ्जन, खेल, विश्व, सूचना प्रविधि, भिडियो तथा जीवनका विभिन्न आयामका समाचार र विश्लेषणलाई समेट्छ।

सञ्चालक : शान्ता पाण्डे
प्रधान सम्पादक : निमकान्त पाण्डे
कार्यकारी सम्पादक : प्रीति रमण
प्रवन्ध सम्पादक : राज्य लक्ष्मी शाक्य
ब्यवस्थापक : रिदेन महर्जन
सूचना/प्रविधि : श्रीमन भण्डारी

सम्पर्क : 01-4336275
मोबाइल : 9851035628
कार्यालय: बल्खु हाइट, काठमाडौं

जनधारणा राष्ट्रिय साप्ताहिक

सञ्चार मन्त्रालय सूचना तथा प्रशारण बिभाग दर्ता नम्बर: १५३२/०७६/७७

ट्रेन्डिङ

वैदेशिक रोजगारीको नाममा ठगी रोक्न विशेष कार्यदल गठन

प्रा  सूर्य सुवेदीको जीवनी  लन्डनमा  विमोचन  

एनपीएलमा उपाधिका लागि आज लुम्बिनी र सुदूरपश्चिमबीच खेल हुने

फिफाबाट निलम्बन फुकुवा हुने प्रक्रिया अगाडि बढ्याे

पत्रकारहरुको हकहितमा एकजुट हुनुपर्नेमा जोड

डिजिटल सुरक्षादेखि दुष्प्रचार नियन्त्रणसम्म सरकारको तयारी

साइट नेविगेशन

  • समाचार
  • ब्रेकिङ न्युज
  • राजनीति
  • खेलकुद
  • विश्व
  • अपराध
  • समाज
  • वाणिज्य
  • स्वास्थ्य
  • सम्पादकीय
  • मौसम

© २०८२ जनधारणा राष्ट्रिय साप्ताहिक

Welcome Back!

Login to your account below

Forgotten Password?

Retrieve your password

Please enter your username or email address to reset your password.

Log In

Add New Playlist

No Result
View All Result
  • गृह पृष्ठ
  • समाचार
  • राजनीति
  • विश्व
  • वाणिज्य
  • स्वास्थ्य
  • विचार
  • खेलकुद
  • पर्यटन
  • विविध
    • अन्तर्वार्ता
    • साहित्य
    • मनोरञ्जन
    • सम्पादकीय
    • मौसम
    • समाज
    • वातावरण
ई-पत्रिका

© २०८२ जनधारणा राष्ट्रिय साप्ताहिक