गौशाला । नेकपा एमालेका पूर्व सांसद लक्ष्मी महतो कोइरीलाई महोत्तरी प्रहरीले पक्राउ गरेको छ। असई थमन विक हत्या मुद्दामा उच्च अदालत जनकपुरबाट ५ वर्ष कैद सजाय ठहर भएका पूर्व सांसद कोइरी पक्राउ पर्नुभएको हो।
कोइरीलाई बिहीबार साँझ महोत्तरीको गौशाला नगरपालिका–५ स्थित एमाले पार्टी कार्यालय अगाडीबाट पक्राउ गरिएको महोत्तरीका प्रहरी प्रवक्ता एवं डिएसपी पन्चलाल गोलेले जानकारी दिनुभयो।
असई थमन विक हत्या मुद्दामा महोत्तरी जिल्ला अदालतको २०८० मङ्सिर २८ गतेको फैसला उच्च अदालत जनकपुरले बुधबार उल्ट्याउँदै कोइरीलाई ५ वर्ष कैद सजाय हुने फैसला गरेको थियो । जिल्ला अदालतले कोइरीलाई सफाइ दिएको थियो ।
