काठमाडौं । प्रजातान्त्रिक गणतन्त्र कङ्गो (डीआर कङ्गो) ले फिफा विश्वकप २०२६ को समूह चरणको अन्तिम खेलमा उज्वेकिस्तानमाथि ३–१ को पुनरागमन जित निकाल्दै ऐतिहासिक रूपमा नकआउट चरणमा स्थान सुरक्षित गरेको छ । कङ्गोको यस सानदार जितसँगै दक्षिण कोरियाको भने विश्वकप यात्रा समाप्त भएको छ ।
खेलमा सुरुवाती अग्रता उज्वेकिस्तानले लिए पनि दोस्रो हाफमा उत्कृष्ट प्रदर्शन गर्दै कङ्गोले खेललाई आफ्नो पक्षमा पारेको थियो। कङ्गोका लागि न्युकासलमा कठिन सिजन गुजारेका योएन विसाले उत्कृष्ट प्रदर्शन गर्दै टोलीको जितमा महत्त्वपूर्ण भूमिका खेलेकाे थियाे।
यो जितसँगै कङ्गो उत्कृष्ट तेस्रो टोलीका रूपमा अर्को चरणमा प्रवेश गर्न सफल भएको हो । कङ्गोको यो नतिजाले दक्षिण कोरियाको नकआउट चरणमा पुग्ने गणितीय सम्भावनालाई पूर्ण रूपमा समाप्त पारिदिएको छ ।
कङ्गोका लागि यो जित अद्भुत क्षण बनेको छ । अब नकआउट चरणमा इंग्ल्यान्डले कङ्गोको सामना गर्दा निकै कडा चुनौतीको सामना गर्नुपर्ने देखिन्छ । समूह ‘के’ बाट उत्कृष्ट तेस्रो बन्दै अघि बढेको कङ्गोले अब अन्तिम ३२ को भिडन्तमा समूह ‘एल’ को विजेता इंग्ल्यान्डको सामना गर्नेछ ।
