काठमाडौं । थानकोट स्थित त्रिभुवन पार्क नजिक गरिएको प्रदूषण चेकिङका क्रममा मापदण्डभन्दा बढी धुवाँ फाल्ने १३ ओटा सवारी साधन कारवाहीमा परेका छन् । वातावरण व्यवस्थापन विभाग, चन्द्रागिरी नगरपालिका र ट्राफिक प्रहरी प्रभाग थानकोटबाट संयुक्त रुपमा खटिएको टोलीले काठमाडौंको थानकोट स्थित त्रिभुवन पार्क नजिक चेक गर्दा मापदण्डभन्दा बढी धुवाँ फाल्ने १३ ओटा सवारी साधन फेला परेका थिए ।
मापदण्डभन्दा बढी धुवाँ फाल्ने सवारी साधन चलाउँदा वायु प्रदूषण बढ्न गइ मानव स्वास्थ्यमा गम्भीर समस्या हुनुका साथै दुर्घटनाको जोखिम समेत हुने भएकाले आफ्नो सवारी साधनको अवस्था चेक गरी आवश्यक मर्मत सम्भार गरेर मात्रै सवारी साधन सञ्चालन गर्नु हुन सम्पुर्ण यातायात व्यवसायी, सवारी धनी तथा चालकलाई यस काठमाण्डौ उपत्यका ट्राफिक प्रहरी कार्यालयले अनुरोध गरेको छ ।
