धनगढी – सुदूरपश्चिममा सबैभन्दा बढी बिध्यार्थी संख्या रहेको कैलाली बहुमुुखी क्याम्पसको स्ववियु सभापतिमा नेकपा एमाले सम्बद्ध अनेरास्ववियुका उम्मेदवार यमराज जोशी विजयी भएका छन् ।
उनी नेविसंघका हरिश खत्रीलाई पराजीत गर्दै विजयी भएका हुुन्। ७ सय २२ मतसहित जोशी विजयी हुँदा उनका प्रतिद्धन्द्धी खत्रीले ७०५ मत प्राप्त गरेका छन्। खत्री जम्मा १७ मत अन्तरले पराजित भए ।
सचिवमा भने नेविसंघका सन्तोश पन्त ८५६ मतसहित विजयी भएका छन् ।प्रतिद्धन्द्धी अनेरास्ववियुका रमेश बोहरालाई पराजीत गर्दै पन्त विजयी भएका हुुन् । बोहराले ५८३ मत ल्याए ।
कोषाध्यक्षमा पनि नेविसंघकै अम्बिका चौधरी विजयी भएकी छन्। उनले अखिल क्रान्तिकारीका दिनेशराज जोशीलाई पराजीत गरेकी हुन्। चौधरीले ७६४ मत पाउँदा जोशीले भने ५७२ मत प्राप्त गरेका थिए।
पदाधिकारीको मतपरिणाम सार्वजनिक भएपनि सदस्यहरुको गणना गर्न बाँकी छ। यहाँ एमाले निकट अनेराश्ववियु र समाजबादी निकट अनेराश्वववियु गठबन्धन गरेर चुनाव लडेका थिए भने नेविसंघ र अनेराश्ववियु क्रान्तीकारी एक्ला एक्लै चुनाव लडेका थिए ।
