काठमाडौं । राष्ट्रिय प्रजातन्त्र पार्टीका नेताहरूले पूर्वराजा ज्ञानेन्द्रसँग भेट गरेका छन् । राप्रपा अध्यक्ष राजेन्द्र लिङ्देन, वरिष्ठ नेता डा. प्रकाशचन्द्र लोहनी, वरिष्ठ उपाध्यक्ष रवीन्द्र मिश्र र महामन्त्री डा. धवलशमशेर जवरा दमकस्थित पूर्वराजाको निवास पुगेर भेटेका हुन् ।
राप्रपा अध्यक्ष राजेन्द्र लिङ्देनले भेटघाट सामान्य भएको बताए । उनले मन्त्री भएपछि पूर्वराजासँग भेट गर्न नपाएको भन्दै त्यही कारण आफूसहितका पदाधिकारी भेटका लागि पुगेको उनको भनाई छ ।
“हामीले अविभावकीय संस्था राजसंस्थालाई मानेका छौं । त्यसकारण हामी सरकारसँग भेट गरिरहन्छौँ । अहिले भएको यो सामान्य भेट हो,” लिङ्देनले भने, “भेटमा उहाँले स्वाभाविकरुपमा देशको चिन्ता जाहेर गर्नुभएको छ ।” चिन्ता तत्काल केही गरिहाल्नुपर्छ भन्ने हो वा सामान्य भन्ने प्रश्नमा उनले केही गर्नुपरे पार्टीले निर्णय गर्ने भन्दै उहाँको सामान्य चिन्ता भएको बताए ।
“कुनै मुभ लिनुपर्यो भने हामीले पार्टीको बैठकबाट निर्णय लिन्छौँ, अहिले उहाँले स्वाभाविक चासो मात्र राख्नुभएको हो,” लिङ्देनले भने, “देशको अविभावकीय संस्थाको तर्फबाट उहाँले राखेको चासो स्वाभाविक हो ।”
