हेटौँडा । नेकपा एमालेको ११औँ महाधिवेशनका लागि बागमती प्रदेशका १३ मध्ये १२ जिल्लामा प्रतिनिधि चयन प्रक्रिया सम्पन्न भएको छ।
सिन्धुलीको क्षेत्र नम्बर १ बाट कर्णबहादुर घिसिङ, गोविन्दलाल माझी, महेन्द्रदेव श्रेष्ठ, रोमनराज गिरी, अप्सरा खड्का, प्रमिला वाइबा, रश्मिला देवकोटा र दिपक कुमार माझी सर्वसम्मत चयन भएका छन्। क्षेत्र नम्बर २ मा भने प्रतिनिधि टुंग्याउन बाँकी छ।
यता, क्षेत्र नम्बर ४ बाट श्रीकृष्ण श्रेष्ठ, उद्धव खरेल, सुनिता गुरुङ, सरस्वती कार्की र प्रकाश कटुवाल चयन भएका छन् भने क्षेत्र नम्बर ५ बाट ध्रुवराज पाण्डे, रामकृष्ण श्रेष्ठ, रत्ना गुरुङ र अमर डंगोल चयन भएका छन् । यस्तै क्षेत्र नम्बर ६ बाट विश्वनाथ लामिछाने, श्रीकृष्ण अधिकारी, देवीमाया आचार्य र बिन्दा बुढाथोकी निर्वाचित भएका छन्। क्षेत्र नम्बर ७ बाट प्रकाश श्रेष्ठ, जीवन मानन्धर, पूर्णिमा श्रेष्ठ, सपना अर्याल र प्रमेश हमाल निर्वाचित भएका छन्।
यस्तै निर्वाचन क्षेत्र नम्बर ८ बाट राजेश शाक्य, शंकर केसी, सुशीला अधिकारी र बब्लु सिवाकोटी र निर्वाचन क्षेत्र नम्बर ९ बाट केशव पोखरेल, उत्तम रावत, रञ्जु खड्का, सानुमैया खड्का र पूर्ण तण्डुकार चयन भएका छन् । यसैगरी क्षेत्र नम्बर १० बाट महेश लामा, प्रेमबहादुर शाही, लक्ष्मी काफ्ले, बसन्ती श्रेष्ठ र सन्तोष खड्का निर्वाचित भएका छन्।
दुई निर्वाचन क्षेत्र रहेको सिन्धुपाल्चोकका दुवै क्षेत्रमा निर्वाचनमार्फत १५ जना महाधिवेशन प्रतिनिधि चयन भएका छन्। उपसचिव लामाका अनुसार क्षेत्र नम्बर १ बाट कमल नेपाल, होमनारायण श्रेष्ठ, प्रेम लामा, प्रदीप पौडेल, सुशीला पाख्रिन, दावाफुटी शेर्पा, कमला कायस्थ र आङ दोर्जे शेर्पा तथा क्षेत्र नम्बर २ बाट हस्त पण्डित, काशी लामा, कृष्णगोपाल तामाङ, मित्रलाल चौलागाई, बालकुमारी सापकोटा, सुनिता पराजुली र हिरा चौलागाई निर्वाचित भएका छन्।
ललितपुरमा २ निर्वाचन क्षेत्रबाट १४ जनाले प्रतिनिधित्व पाएका छन्। मधुसूदन पौडेल, प्रेमभक्त महर्जन, चेतनाथ सञ्जेल, अष्टविर व्यञ्जनकार, रामहरी बजगाईँदेखि सुजित बस्नेत र प्रदिप रम्तेलसम्म निर्वाचित भएका हुन्।
यता, दुई निर्वाचन क्षेत्र रहेको मकवानपुरमा क्षेत्र नम्बर १ मा निर्वाचनमार्फत अणराज जर्गा मगर, नवीन सिग्देल, फुर्वादोर्जे लामा, सुनील मोक्तान, आरती पाठक, बिना कुमारी थिङ, सीता विष्ट र बोलबहादुर कार्की प्रतिनिधिमा चयन भएका छन्। निर्वाचन क्षेत्र नम्बर २ मा भने सर्वसम्मत टुंगो लागेको छ, जसमा हिदम लामा, एकालाल श्रेष्ठ, बलराम बल, भगवती पुडासैनी, रोहन लामा, सुमित्रा काफ्ले, विदुर हुमागाईँ, गीता काफ्ले र देवकृष्ण विक चयन भएका छन्।
भक्तपुरका दुवै क्षेत्रमा सर्वसम्मत नेतृत्व टुंग्याइएको छ। क्षेत्र नम्बर १ बाट रामबहादुर श्रेष्ठ, मनोज केसी, सपना तामाङ, दुर्गा थापा लामिछाने र विष्णु तामाङ तथा क्षेत्र नम्बर २ बाट राजेन्द्र राजथला, शिवराम राउत, सानुकाजी कायस्थसहित १४ जना प्रतिनिधि चुनिएका छन्।
काभ्रेबाट २३ जना प्रतिनिधि सर्वसम्मत चयन भएका छन्। जसमध्ये क्षेत्र नम्बर १ बाट अमित लामा, चन्द्र लामा लगायत ११ जना र क्षेत्र नम्बर २ बाट अशोक ब्याञ्जु, कञ्चन अधिकारी, कुमार थापा लगायत १२ जना सर्वसम्मत रूपमा चयन भएका हुन्।
यस्तै, दोलखा, नुवाकोट, धादिङ, रसुवा, चितवन र रामेछापमा पनि प्रतिनिधि चयनमा सर्वसम्मत सहमति बनेको छ। दोलखाबाट ९, नुवाकोटबाट १५, धादिङबाट १८, रसुवाबाट ८, चितवनबाट २५ र रामेछापबाट १२ जना प्रतिनिधि टुंग्याइएको छ। यी जिल्लामा खुल्ला, महिला, युवा तथा दलितरउत्पीडित समूहका कोटामा प्रतिनिधित्व सुनिश्चित गरिएको पार्टीले जनाएको छ।
बागमती प्रदेशका अधिकांश जिल्लामा सहमतिको वातावरण बनेको र केही जिल्लामा प्रतिस्पर्धात्मक मतदानसमेत भएको उपसचिव लामाले बताइन्। उनका अनुसार बागमतीमा प्रतिनिधि चयन हुन बाँकी रहेको सिन्धुलीको क्षेत्र नम्बर २ मा सोमबारसम्म सहमतिमै प्रतिनिधि चयन प्रक्रिया टुंगिनेछ।
