काठमाडौं । सानिमा बैंक लिमिटेडलाई चीनको निर्यात-आयात (एक्जिम) बैंकले नेपालका लागि आफ्नो एजेन्ट बैंक नियुक्त गरेको छ। कुल २५५ मेगावाट क्षमताका दुई ठूला जलविद्युत आयोजनाका लागि वित्तीय सहजीकरण गर्न सानिमालाई एजेन्ट बैंक तोकिएको हो।
कार्यक्रमलाई सम्बोधन गर्दै सानिमा बैंकका प्रमुख कार्यकारी अधिकृत पाण्डेले आफ्नो बैंकलाई विश्वास गरी छनौट गरेकोमा एक्जिम बैंकप्रति आभार व्यक्त गरे। उनले यस सहकार्यले सानिमा बैंकको अन्तर्राष्ट्रिय व्यापार सम्बन्ध विस्तारमा टेवा पुग्ने र ऊर्जा तथा पूर्वाधार जस्ता क्षेत्रमा नेपाललाई महत्वपूर्ण योगदान पुग्ने विश्वास व्यक्त गरे।
यो सम्झौतासँगै हालसम्मकै ठूलो परिमाणमा चिनियाँ मुद्रा (युआन) को अन्तरदेशीय कारोबार नेपाल भित्र्याउन सानिमा बैंक सफल भएको बताइएको छ। यसले बैंकको कार्यक्षमता र साख वृद्धि गर्नुका साथै देशको दिगो विकासमा समेत महत्वपूर्ण टेवा पुर्याउने अपेक्षा गरिएको छ।
