काठमाडौं । नवलपरासी पूर्व, बिनयी त्रिवेणी गाउँपालिका-७ साइफोन नजिकै गण्डक नहरको ३ नम्बर ढोकामा हाल नाम, थर र वतन नखुलेका अन्दाजी ६० वर्षीय पुरूष सोमबार मृत अवस्थामा फेला परेका छन् ।
बर्दिया, गेरूवा गाउँपालिका-५ पिपलडाँडा बस्ने ५६ वर्षीय मन प्रसाद जैसी सोही ठाउँस्थित नहरमा सोमबार मृत अवस्थामा फेला परेका छन् । सल्यान, वनगाड कुपिण्डे नगरपालिका-११ बालुवा संग्रही बस्ने ४४ वर्षीय शेरसिंह बुढा मगर सोही ठाउँस्थित आफ्नै खेतमा सोमबार मृत अवस्थामा फेला परेका छन् । सिन्धुली, दुधौली नगरपालिका-२ लामिडाँडा घिसिङ टोलस्थित ग्वालीमा हाल नाम, थर र वतन नखुलेका अन्दाजी ३० वर्षीय पुरूष सोमबार मृत अवस्थामा फेला परेका छन् ।
सर्लाही, बरहथवा नगरपालिका-१ सहनी टोल बस्ने ५६ वर्षीय असर्फी सहनी सोही ठाउँस्थित आफ्नै खेतमा सोमबार मृत अवस्थामा फेला परेका छन् । धनुषा, जनकपुरधाम उपमहानगरपालिका-७ भ्रमपुरा चोकस्थित फर्निचर उद्योग अगाडि हाल नाम, थर र वतन नखुलेका अन्दाजी ४५ वर्षीय पुरूष सोमबार मृत अवस्थामा फेला परेका छन् । यस सम्बन्धमा प्रहरीले आवश्यक अनुसन्धान गरिरहेको छ ।
