मोरङ। सुनवर्सी नगरपालिका–१ का १४ वर्षीय बालकको हत्या आरोपमा दुई जना पक्राउ परेका छन्। पक्राउ पर्नेमा स्थानीय ३५ वर्षीय बिरेन्द्र पासवान र उनकी ३४ बर्षीया श्रीमती डल्ली पासवान छन्।
प्रहरी कार्यालयका अनुसार सुनवर्सी नगरपालिका–१ का डिल्लीबहादुर माझीको १४ वर्षीय छोरा विशाल माझी फागुन ११ गते बेलुका घरबाट चोकतिर घुम्न निस्केकोमा घर नफर्केपछि प्रहरीलाई खबर गरेका थिए।
प्रहरीले स्थानीय पोखरीको डिलमा हत्या गरी गाडेको अवस्थामा बालकको शव प्रहरीले फेला पारेको थियो। यसअघि, आफन्त र स्थानीयले खोजबिन गर्ने क्रममा बालकको शव पोखरीको डिलमा गाडेको हुन सक्ने आशंका गरी प्रहरीलाई खबर गरेका थिए। बालकको हत्या गरी शरीर गाडेको अवस्थामा फेला परेपछि प्रहरीले घटनाको अनुसन्धान अघि बढाएको थियो। बालकको हत्या आरोपमा पक्राउ परेका दुवै जनाविरुद्ध इलाका प्रहरी कार्यालय रंगेलीबाट थप अनुसन्धान भइरहेको छ।


