सोम, मंसिर ८, २०८३
जनधारणा
Advertisement
  • गृह पृष्ठ
  • समाचार
  • राजनीति
  • विश्व
  • वाणिज्य
  • स्वास्थ्य
  • विचार
  • खेलकुद
  • पर्यटन
  • विविध
    • अन्तर्वार्ता
    • साहित्य
    • मनोरञ्जन
    • सम्पादकीय
    • मौसम
    • समाज
    • वातावरण
No Result
View All Result
ई-पत्रिका
  • गृह पृष्ठ
  • समाचार
  • राजनीति
  • विश्व
  • वाणिज्य
  • स्वास्थ्य
  • विचार
  • खेलकुद
  • पर्यटन
  • विविध
    • अन्तर्वार्ता
    • साहित्य
    • मनोरञ्जन
    • सम्पादकीय
    • मौसम
    • समाज
    • वातावरण
No Result
View All Result
ई-पत्रिका
जनधारणा
Home समाचार

मधेश आन्दोलनको समीक्षा : नेतृत्व, एजेण्डा र कार्यशैलीमाथि प्रश्न

धारणा न्यूज by धारणा न्यूज
१ महिना अगाडि
Reading Time: 1 min read
0
मधेश आन्दोलनको समीक्षा : नेतृत्व, एजेण्डा र कार्यशैलीमाथि प्रश्न
2.2k
SHARES
27k
VIEWS
Share on Facebook

जनकपुरधाम । मधेशी समाजमा परिवर्तन आए पनि राजनीतिक दल र नेतृत्वले समयअनुसार आफूलाई रूपान्तरण गर्न नसकेको भन्दै मधेशी राजनीतिमा नेतृत्व पुस्तान्तरण, आन्तरिक लोकतन्त्र र नयाँ एजेण्डा निर्माणको आवश्यकता औँल्याइएको छ ।

शहीद संजय चौधरी स्मृति प्रतिष्ठानद्वारा आयोजित ‘मधेशः अबको बाटो’ संवाद शृङ्खलाअन्तर्गत मधेश आन्दोलनको समीक्षा विषयक कार्यक्रममा सहभागी वक्ताहरूले मधेशी राजनीतिक दल र नेतृत्वको कार्यशैलीमाथि प्रश्न उठाउँदै नयाँ ढंगले राजनीतिक शक्ति निर्माण गर्नुपर्नेमा जोड दिएका हुन् ।

कार्यक्रममा जनता समाजवादी पार्टीका केन्द्रीय सदस्यबाट हालै राजीनामा दिएका विक्की यादवले मधेशी समाज परिवर्तन भए पनि पुराना राजनीतिक दलले आफ्नो नेतृत्व जोगाउनकै लागि अग्रगामी मोर्चा बनाएको आरोप लगाए । समाजको बदलिँदो आवश्यकता र मागअनुसार आफूलाई परिवर्तन गर्न पुराना दलहरू तयार नभएको उनको भनाइ थियो ।

पत्रकार स्नेहा झाले मधेशले वर्तमान समयअनुसार आफ्ना एजेण्डा तय गर्न नसकेको बताइन् । उनले नयाँ नेतृत्वले बदलिँदो समय र परिस्थितिलाई ध्यानमा राख्दै मधेशका एजेण्डा पुनःनिर्धारण गर्न आवश्यक रहेको धारणा राखिन् ।

मधेश प्रदेशका पूर्वमन्त्री सुरेश मण्डलले ७५ वर्षको राजनीतिक यात्रामा पनि मधेशी राजनीतिले एउटा सशक्त पार्टी निर्माण गर्न नसकेको टिप्पणी गरे । युवा अभियन्ता आभाष गुरुले मधेशका लागि स्वशासनसँगै सुशासन पनि उत्तिकै आवश्यक रहेको बताए ।

संविधानसभा सदस्य विमल केडियाले मधेशको सामाजिक, आर्थिक र राजनीतिक अवस्थाबारे तथ्यमा आधारित बहस गर्न डाटाबेस तथा अनुसन्धान आवश्यक रहेको उल्लेख गरे ।

जनअधिकार पार्टीका अध्यक्ष डा. शरद सिंह यादवले मधेशी राजनीतिको कमजोरीलाई स्थानीय उत्पादनको उदाहरणसँग जोड्दै सप्तरीको आँप र बरमझियाको पेडासमेत ब्रान्डिङ गर्न नसक्नु मधेशी राजनीतिको असफलताको एउटा संकेत भएको बताए । मधेशमा आफ्नै उत्पादन, पहिचान र सम्भावना हुँदाहुँदै तिनलाई व्यवस्थित रूपमा ब्रान्डिङ गरी आर्थिक अवसरमा रूपान्तरण गर्न नसकिएको उनको भनाइ थियो ।

जनता लोकतान्त्रिक पार्टीका अध्यक्ष अशोक यादवले मधेशी राजनीतिक दलहरूमा आन्तरिक लोकतन्त्र कमजोर रहेको टिप्पणी गरे । यही अवस्थाका कारण पुराना मधेशी दलहरू विघटनको संघारमा पुगेको उनको भनाइ थियो ।

मधेशी जनअधिकार फोरमका संस्थापक नेताले पनि मधेशी राजनीतिक दलमा नेतृत्व पुस्तान्तरणको अभावलाई असफलताको प्रमुख कारणका रूपमा औँल्याए । स्थापना कालदेखि नै नेतृत्वमा रहेका नेताहरूले नयाँ पुस्तालाई नेतृत्व हस्तान्तरण गर्न नचाहनु मधेशी राजनीतिका समस्यामध्ये एक भएको उनको भनाइ थियो ।

प्रतिष्ठानका संरक्षक संजय यादवले पुराना राजनीतिक दल तथा नेताहरूप्रति जनविश्वास कमजोर हुँदै गएको बताए । उनले मधेशमा नयाँ अभियानमार्फत नयाँ राजनीतिक शक्ति निर्माण गर्ने आवश्यकता रहेको धारणा राखे ।

कार्यक्रममा राष्ट्रिय मुक्ति पार्टीका नेता सन्तोष मेहता, गायक रविराज साह, नेता तथा गायक आभाष लाभ, पत्रकार प्रतिमा चौधरी, उपप्राध्यापक रामबाबु मण्डल, मनिष मण्डल, रमण कर्णलगायत युवा राजनीतिकर्मी तथा अभियन्ताहरूको उपस्थिति थियो ।

प्रतिष्ठानकी अध्यक्ष तथा शहीद संजय चौधरीकी बहिनी ममता चौधरीको अध्यक्षतामा सम्पन्न कार्यक्रमको सञ्चालन मधेशी अभियन्ता एवं अधिवक्ता आनन्द गुप्ताले गरेका थिए । दशैँ, तिहार तथा छठ पर्वको अवसरमा आयोजित उक्त संवाद शृङ्खलामा मधेश आन्दोलनको उपलब्धि, कमजोरी र आगामी राजनीतिक दिशाबारे छलफल गरिएको थियो।

 

यो पनि पढ्नुहोस्

ललितकला क्याम्पसमा  मूर्ति शिलान्यास गरेकोमो आपत्ति

ललितकला क्याम्पसमा मूर्ति शिलान्यास गरेकोमो आपत्ति

८ घण्टा अगाडि
प्रधानमन्त्रीलाई भारतीय उद्योगमन्त्रीले विमानस्थलमा स्वागत

प्रधानमन्त्रीलाई भारतीय उद्योगमन्त्रीले विमानस्थलमा स्वागत

८ घण्टा अगाडि

Leave a Reply Cancel reply

Your email address will not be published. Required fields are marked *

Facebook Youtube TikTok

हाम्रो बारेमा

यो वेबसाइट जनधारणा राष्ट्रिय साप्ताहिकको आधिकारिक न्युज पोर्टल हो । नेपाली भाषाको यो पोर्टलले समाचार, विचार, मनोरञ्जन, खेल, विश्व, सूचना प्रविधि, भिडियो तथा जीवनका विभिन्न आयामका समाचार र विश्लेषणलाई समेट्छ।

सञ्चालक : शान्ता पाण्डे
प्रधान सम्पादक : निमकान्त पाण्डे
कार्यकारी सम्पादक : प्रीति रमण
प्रवन्ध सम्पादक : राज्य लक्ष्मी शाक्य
ब्यवस्थापक : रिदेन महर्जन
सूचना/प्रविधि : श्रीमन भण्डारी

सम्पर्क : 01-4336275
मोबाइल : 9851035628
कार्यालय: बल्खु हाइट, काठमाडौं

जनधारणा राष्ट्रिय साप्ताहिक

सञ्चार मन्त्रालय सूचना तथा प्रशारण बिभाग दर्ता नम्बर: १५३२/०७६/७७

ट्रेन्डिङ

प्रा  सूर्य सुवेदीको जीवनी  लन्डनमा  विमोचन  

आइतबार सामुदायिक विद्यालय सञ्चालन गर्न निर्देशन

यूएईविरुद्ध १००औं एकदिवसीय अन्तर्राष्ट्रिय खेल खेल्दै नेपाल

‘सुरताल म्युजिकल टुर–२०८३’ नेपालगन्जमा हुने

प्रधानमन्त्रीलाई भारतीय उद्योगमन्त्रीले विमानस्थलमा स्वागत

घोप्टेभिरमा सवारी रोकेर जोखिमपूर्ण भाग झार्न सुरु

साइट नेविगेशन

  • समाचार
  • ब्रेकिङ न्युज
  • राजनीति
  • खेलकुद
  • विश्व
  • अपराध
  • समाज
  • वाणिज्य
  • स्वास्थ्य
  • सम्पादकीय
  • मौसम

© २०८२ जनधारणा राष्ट्रिय साप्ताहिक

Welcome Back!

Login to your account below

Forgotten Password?

Retrieve your password

Please enter your username or email address to reset your password.

Log In

Add New Playlist

No Result
View All Result
  • गृह पृष्ठ
  • समाचार
  • राजनीति
  • विश्व
  • वाणिज्य
  • स्वास्थ्य
  • विचार
  • खेलकुद
  • पर्यटन
  • विविध
    • अन्तर्वार्ता
    • साहित्य
    • मनोरञ्जन
    • सम्पादकीय
    • मौसम
    • समाज
    • वातावरण
ई-पत्रिका

© २०८२ जनधारणा राष्ट्रिय साप्ताहिक