काठमाडौं । प्रधानमन्त्री वालेन्द्र शाह (बालेन) ले विदेशी सहयोग अस्वीकार गरिएको भन्ने प्रचार भ्रामक भएको स्पष्ट पारेका छन् । शुक्रबार फेसबुकमा एक स्टाटस लेख्दै उनले विदेशी सहयोगका विषयमा स्पष्ट पारेका हुन्।
‘विदेशी सहयोग अस्वीकार गरिएको भन्ने प्रचार भ्रामक हो। भारत, चीन तथा अन्तर्राष्ट्रिय साझेदारसँग उद्धार तथा राहतका लागि आवश्यक सहयोग र सामग्रीबारे निरन्तर समन्वय भइरहेको छ,’ उनले लेखेका छन्।
सरकारले विदेशी उद्दारकर्मी भने सरकारले अस्वीकार गरेको छ । सरकारले नेपालकै नेपाली सेना र सुरक्षा निकाय राहत र उद्दारमा सक्षम भएको भन्दै सरकारले विदेशी उद्दारकर्मीको टोली भने आवश्यक नभएको भनेको थियो ।
तर सरकारले विदेशी सहयोग भने लिने नीति लिएको छ । साथै उद्धारमा हेलिकप्टर परिचालन गर्दा हवाई सुरक्षा, भौगोलिक पहुँच र वास्तविक आवश्यकतालाई ध्यानमा राखिएको उनले उल्लेख गरेका छन्।
