काठमाडौं । आज बिहान करिब ९ बजे रसुवा लगायतका क्षेत्रमा गएराति धेरै ठूलो पानी परेको थिएन। सबै तटीय क्षेत्रका खोलाहरु औषत अवस्थामा थिए। मानिसहरु आ-आफ्नो कार्यमा ब्यस्त थिए।
तर अकास्तमान रुपमा आज बुधबार बिहान करिब ९ बजे अप्रत्यासित रुपमा चीनबाट भोटेकोशी नदीमा प्रवेश गरेको बाढीले नेपाली भू-भागमा मानवीय तथा भौतिक क्षति गराएकाे छ।
रसुवा बाढी र पहिरोको संकटका विषयमा गृह मन्त्रालयमा विपद् जोखिम न्यूनीकरण प्राधिकरणको बैठक बसेको छ। बैठकमा संकट समाधानका लागि अवलम्बन गर्ने उपायहरूबारे छलफल भइरहेको छ। प्रधानमन्त्री बालेन्द्र शाहलाई सेनाले अहिलेसम्म पुगेको क्षतिका विषयमा व्रिफिङ गरेको छ।
अब उद्दार र राहत तथा पुनर्स्थापनाका काम कसरी अगाडि बढाउने भन्ने विषयमा छलफल जारी रहेकाे छ ।
अचानक भीषण बाढी आउनुमा हिमताल फुटेको प्रारम्भिक निष्कर्ष निकालिएको छ । तर आधिकारीक रुपमा के भएको हो भन्नेबारे थाहा भइसकेको छैन। हिम पहिरोले नदी थुनिएर अकास्तमात रुपमा फुटेपछि एक्कासी ठूलो बाढी आएको प्रारम्भिक अनुमान भइरहेको छ। तर यस विषयमा चीन सरकारसँग समन्वय भइरहेको र आधिकारीक रुपमा के भएको भन्ने बारेमा जनाकारी नपाएको सुरक्षा निकायले जनाएको छ।
