काठमाडौं । चितवन, खैरहनी नगरपालिका-१ शाहीचोकस्थित सडकमा महोत्तरीबाट काठमाडौंतर्फ जाँदै गरेको बा.प्र -०३-००१ ख २७२८ नम्बरको बसको ठक्करबाट पैदलयात्री हाल नाम, थर र वतन नखुलेका अन्दाजी ३५ वर्षीय पुरूषको सोमबार बिहान मृत्यु भएको छ । दुर्घटनामा गम्भीर घाइते भएका उनको सरकारी अस्पताल भरतपुरमा उपचारको क्रममा मृत्यु भएको हो । बस चालकलाई प्रहरीले नियन्त्रणमा लिएको छ ।
झापा, कन्काई नगरपालिका-७ दुर्गापुर बजारस्थित सडकमा दुर्गापुरबाट सुरूङ्गातर्फ जाँदै गरेको प्र.१-०१-०१ प ३९२९ नम्बरको मोटरसाइकलको ठक्करबाट पैदलयात्री अर्जुनधारा नगरपालिका-९ बस्ने ५० वर्षीया मिरा देवी गौतमको आइतबार दिउँसो मृत्यु भएको छ । दुर्घटनामा गम्भीर घाइते भएकी उनको बिएण्डसी अस्पताल बिर्तामोडमा उपचारको क्रममा मृत्यु भएको हो । मोटरसाइकल चालकलाई प्रहरीले नियन्त्रणमा लिएको छ ।
रूपन्देही, ओमसतिया गाउँपालिका-१ लखन चोकस्थित सडकमा रोकी राखेको लु.२ ख २८७६ नम्बरको ट्रकमा बुटवलबाट भैरहवातर्फ आउँदै गरेको लु.५६ प ९०९७ नम्बरको मोटरसाइकल ठक्कर खाई आइतबार राति दुर्घटना हुँदा मोटरसाइकल चालक हाल नाम, थर र वतन नखुलेका अन्दाजी २५ वर्षीय पुरूषको मृत्यु भएको छ । दुर्घटनामा गम्भीर घाइते भएका उनको मेडिकल कलेज भैरहवामा उपचारको क्रममा मृत्यु भएको हो । ट्रक चालकलाई प्रहरीले नियन्त्रणमा लिएको छ ।
दुर्घटनाका सम्बन्धमा प्रहरीले आवश्यक अनुसन्धान गरिरहेको छ ।
